کوئٹہ۔ 22 جولائی (اے پی پی): بلوچستان ءِ گورنر جعفر خان مندوخیل ءَ گشتگ کہ پاک اوگان چمن باڈر کساس گوستگیں یک سالے ءَ چہ بند بوہگءِ سوب ءَ قلعہ عبداللہ ءِ اُلس ءُ حاس بیپاری مردم جیڑہءُ جنجالانی دیمپان بوتگ اَنت۔ چمن پرلت( دھرنا) ءِ حوالگءَ مزن وزیر شہباز شریف ءَ را وہد پہ وہد حال دئیاں۔ مرچی اللہ ءِ فضل ءَ چہ ءُ مئے جہدءُ کوشستءُ بنجاہی حکومتءِ گوما گپ ءُ تران کنگءَ اے جیڑہ گیشءُ گیوار بوتگ۔ گورنر گسءَ چہ شنگ بوتگیں بیان ءِ تہا آئیءَ گشتگ کہ اے یکیں سالے ءِ تہا کسانیں ءُ مزنیں بیپارانی نقصان آں چہ سرپد اَں، نوں انوگیں حکومت سیمسری بیپاریءَ را گیش کنگءُ معاشی سُر ءُ پُرآناں گشاد کنگءِ ھاترءَ گامگیج چست کنگءَ اِنت۔ سیمسرءِ نزیک ءَ ھندی تکءَ کسان کسانیں بیپارانی بیپاری ءَ چہ ہزاراں مردماناں روزگارءِ موہ رسیت۔ گورنر مندوخیل ءَ گشتگ کہ سیمسری بیپاریءِ گیش کنگءُ باڈر مارکیٹس جوڑ کنگءَ چہ ملک ءَ معاشی نظام محکم بیتءُ باڈرءِ دوئیں نیمگءَ نندوکیں مردماناں معاشی ءُ بیپاری سُرءُ پُرآنی تہا دزگٹ کنگءَ گیش کُت کناں۔
