اسلام آباد۔22جولائی (اے پی پی): مزن وزیر محمد شہباز شریف ءَ گوشتگ کہ ملک ءَ سرمایہ کاری ءَ گیشی حکومت ءِ اولی ترجی انت، حکومت تاجر ءُ سرمایہ کار آناں کاروبار دوستیں ماحول پجاری کنگ ءِ واستہ ھمک رنگیں گامگیج چست کنگ ءَ انت وھدیکہ مزن وزیر ءَ بجاھی وزارت آنی کار رپک ءُ سرمایہ کاری ءَ را ودینگ ءِ واستہ سٹیئرنگ کمیٹی جوڑ کنگ ءِ پنت ءُ شون کتگ ایشی ءَ چہ سروکی آ وت کناں۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پاکستان ءَ سرمایہ کار آنی تہ ءَ گیشی ءُ حکومتی ادارگ آنی کار رپک ءَ را گہتری ءِ ھوالگ ءَ چہ مزن وزیر شہباز شریف ءِ سروکی ءَ ارزشتی ایں دیوان د ءِ برجم بوت۔ دیوان ءَ را گوشگ بوت کہ پبلک پرائیوٹ پرٹنر شپ اتھارٹی ءِ نیمگ ءَ چہ بنجاھی وزارت آنی کار رپک ءَ را ودینگ ءُ سرمایہ کاری ءَ را گیشی ءِ ھوالگ ءَ کلانہ آنی ازمت در جنگ ءِ واستہ کنسلٹنسی فرم کئیارنی (Kearney) ءِ ازمت در جنگ بوگ، کئیارنی یک میاں اوستمانی نامداریں فرم ات ایشی ءِ آپریشنز سرجمیں دگنیا ءَ ھاسیں رنگ ءَ نیامی رو دراتکی دمگ آنی تہ ءَ انت۔ مزن وزیر ءَ گوشت کہ ملک ءَ سرمایہ کاری ءِ تہ ءَ گیشی حکومت ءِ اولی ترجی انت، حکومت تاجر ءُ سرمایہ کار آناں کاروبار دوستیں ماحول پجاری کنگ ءِ واستہ ھمک رنگیں گامگیج چست کنگ ءَ انت۔ مزن وزیر ءَ سرمایہ کاری ءُ حکومتی کار رپک آنی تہءَ گہتری ءِ واستہ اے رنگیں منصوبگ ایشانی ھوالگ ءَ زوت آسر سہرا بوھگ ءِ امیت انت۔ مزن وزیر ءَ بنجاھی وزارت آںی کار رپک ءُ سرمایہ کاری ءِ ودینگ ءِ ھوالگ ءَ اسٹیئرنگ کمیٹی جوڑ کنگ ءِ پنت ءُ شون کتگ ایشی ءِ سروکی مزن وزیر وت کنگ ءَ انتل مزن وزیر ءَ را حکومت پاکستان ءِ گوما جاڑی وتی شور ءُ مشوری کار ءِ گامگیج آنی پد ءَ بریفنگ دیان ءَ گوشت کہ کئیارنی انوگ ءَ تاں بنجاھی حکومت ءِ 15 ادارگ آنیگ وما شور ءُ مشور کتگ۔ اے شور ءُ مشوری کار 97 ترجی داتگیں منصوبگ آنی ٹک ءُ نشان کنگ بوتگ۔ بریفنگ ءَ گوشگ بوتگ کہ کیئارنی حکومت پاکستان ءِ شور ءُ مشور مھکمیں دیمروئی ءِ واستہ منصوبگ بندی ءِ کار، تیار کنت انت۔ دیوان ءَ بنجاھی وزیر اقتصادی کار احد خان چیمہ، بنجاھی وزیر ھزانگ ءُ گہتری کار محمد اورنگزیب ، بنجاھی وزیر منصوبگ بندی احسن اقبال، وزیر مملکت برائے ھزانگ علی پرویز ملک، ڈپٹی چیئرمین پلاننگ کمیشن جہانزیب خان ، مزن وزیر ءِ کوآرڈینیٹر رانا احسان افضل، ءُ سیادی داروکیں سرکاری اپسرگ آں بھر زوری کت۔
