اسلام آباد۔20جولائی (اے پی پی): مزن وزیر محمد شہباز شریف ءَ اسلام آباد ءَ وتی گوستگیں دور ءِ حکومت ءَ بندات کتگیں ٹیکنالوجی پارک ءِ منصوبگ ءِ تر ءُتاب کت ءُ جوڑیشتی کار آنی ھوالگ ءَ چار ءُ تپاسی گپت ءُ پراجیکٹ ٹیمب ءُ وزارت آئی ٹی ءَ را پنت ءُ شون کت کہ اے منصوبگ ءَ را زوت سرجم کنگ ءِ واستہ گامگیج آناں ترند کناں۔ شمبے ءِ روچ ءَ مزن وزیر میڈیا ونگ ءِ نیمگ ءَ جاڑی بوتگیں بیان ءِ رد ءَ تر ءُ تاب ءِ موہ ءَ مزن وزیر ءَ گوشتگ کہ اسلام آباد ٹیکنالوجی پارک پاکستان ءِ میاں اوستمانی کوالٹی ءِ رد ءَ اولی کیٹیگری 3 ءِ ٹیکنالوجی پارک بیت۔ مزن وزیر ءَ گوشت کہ حکومت ءِ گرگ ءَ چہ دیمروئی منصوبگ آنی رد ءَ 24 کلاک ءَ کار کنگ ءِ پنت ءُ شون جاڑی کتگ۔ پنجاپ ءَ بطور خادم ٹوھیں دیمروئی منصوبگ آناں 24 کلاہ ءَ جوڑیشتی کار کنگ ءِ نظام سہرا کنائنتگ۔ اے وشیں گپ ات کہ اے منصوبگ ءِ زور سرجمیں ءِ واستہ 24 بیست ءُ چار کلاک آں کار برجا انت۔ مزن وزیر ءَ گوشت کہ پاکستان ءَ را دیمروئی ءِ نوکیں کوھنڈگ آنی سر ءَ سر کنگ انت۔ گڈا شپ ءُ روچ ازمت کنگی انت۔ مزن وزیر ءَ گوشت کہ ٹینالوجی پارک ءِ جوڑیشت ءَ چہ ملکی آئی ٹی برآمدات ءَ ھمک سال 70 ملین ڈالر ءِ گیشی بوتگ۔ ٹیکنالوجی پارک ءِ جوڑیشت ءَ چہ 10 ہزار روزگار ءِ موہ نوکیں پیداک بیت۔ مزن وزیر ءَ گوشتگ کہ منصوبگ ءِ وستہ زر باری کوریا ءِ حکومت ءِ کمک آنی شگر ءُمنت واری گپت۔ مزن وزیر ءَ اسلام آباد ٹیکنالوجی پارک ءِ جوڑیشت ءِ دیمروئی ءُ منصوبگ ءِ ھوالگ ءَ بریفنگ ھم دات۔ ٹیکنالوجی پارک ءِ منصوبگ 14.9 ایکڑ زمین ءِ جوڑیشت کنگ بوھگ ءَ انت۔ بریفنگ ءَ گوشگ بوت کہ اے منصوبگ ءَ میاں اوستمانی کوالٹی ءِ ڈیٹا سینٹر ھم جوڑیشت کنگ بوھگ ءَ انت، تر ءُ تاب ءِ ساھت ءَ بنجاھی وزیر اھوالکاری ءُ شنگ کار عطاء تارڑ، وزیر ءِ مملکت برائے آئی ٹی شنزہ فاطمہ خواجہ ھم مزن وزیر ءِ ھمبراہ ات۔
