اسلام آباد۔20جولائی (اے پی پی): مزن وزیر محمد شہبا ز شریف ءَ گوشتگ کہ حکومت ملک ءَ ازمکاری زالبول آناں ھمکچیں دیمروئی ءِ موہ پجاری کنگءِ واستہ جزمیگ انت، انفارمیشن ٹیکنالوجی، وانگ ءُ زانگ ، کزبی ھیل کاری، لیب ءُ گوازی ءُایندگر شوبگ آنی تہ ءَ زالبول آناں آسراتی پجاری کنگ حکومت ءِ اولی ترجی انت۔ شمبے ءِ روچ ءَ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ میاں اوستمانی پڑ ءَ نامداریں پاکستانی کوہ سر کپوک نائلہ کیانی ءَ اسلام آباد ءَ گند ءُ نند کت۔ مزن وزیر ءَ نائلہ کیانی ءَ انوں زوتاں دگنیا ءِ پنچمی برز تریں کوھنڈگ ، مکالو ءِ سر ءَ لک کپگ ءِ پد ءَ مبارک بات داتگ۔ آئی ءَ گوشت کہ پاکستان ءَ زالبول ھمک شوبگ ءَ بے مٹیں ازمت پیلو کنگ ءَ انت۔ مزن ویر ءَ گوشت کہ نائلہ کیانی ءَ را بطور اولی پاکستانی زالبول کو لک کپوک ، 8 ہزار میٹر ءَ چہ برز تریں 11 کوھنڈن آنی سر ءَ لک کپگ پاکستان ءِ واستہ شرپ ءُ ازت ءِ گپ انت۔ مزن وزیر ءَ گوشت کہ حکمت ملک ءَ ازمکاریں زالبول آناں ھمگونگیں دیمروئی ءِ مو ہ پجاری کنگ ءِ واستہ جزمیگ انت۔ انفارمیشن ٹیکنالوجی ، وانگ ، کربی ھیل کاری لیب ءُ گوازی ءُ ایندگر شوبگ آنی تہءَ زالبول آنا ں آسراتی پجاری کنگ حکومت ءِ اولی ترجی آنی تہ ءَھوار انت۔ نائلہ کیانی ءَ مزن وزیر ءَ ملک ءَزالبول آنی دیمروئیءِ واستہ ھاسیں دلگوشی دیگ ءِ پد ءَ شگر ءُ منت واری گپت۔ مزن وزیر ءَ سیادی داروکیں کارندہ آناں یک ٹوھیں ءُجوانیں کار رپک ءِ پیش کنگ ءِ پنت ءُ شون کت۔ گند ءُ نند ءُ نند ءَ بنجاھی وزیر اھوالکاری ءُ شنگ کاری عطا ء اللہ تارڑ، مزن وزیر ءِ کوآرڈینیٹر برائے موسمی مٹ ءُ بدلی رومینہ خورشید عالم ، چیئرمین پرائم منسٹر یوتھ پروگرام رانا مشہود احمد خان ءُ سیادی داروکیں کارندہ بھر زوری کت۔
