اسلام آباد۔19جولائی (اے پی پی):بینظیر انکم سپورٹ پروگرام کی چیئرپرسن سینیٹر روبینہ خالد ءَ گوں بینک الفلاح ءِ صدر/ سی ای او عاطف باجوہ ءُ ڈیجیٹل بینکنگ گروپ ہیڈ یحییٰ خان ءَ بی آئی ایس پی ہیڈ کوارٹر ءَ گند ءُ نند کت۔ گند ءُ نندءَ بزگریں زالبول آناں زر بھر ءُ بانگ کنگ ءَ را ساپ ءُ سلہ ءِ گوما دل یکیمی جوڑ کنگ ءِ ھوالگ ءَ دلگوشی انت۔ گپ ءُ تران آنی ساھت ءَ سینیٹر روبینہ خالد ءَ بینکءِ نماھندگ آنی سر ءَ زور پر دات کہ آ بی آئی ایس پی ءِ بزگریں زالبول آناں کلائنٹس ءِ بستار ءَ ترجی بدینت ءُ وظیفہ ءِ زر آنی تہءَ کٹوتی ءَ را ھلاس کنگ ءِ واستہ پکوئیں گامگیج بکن انت۔ گیش ایش کہ بی آئی ایس پی ءَ چہ سیت چست کنوکیں بلدکاریں مردم آنی ھیل کاری ءِ ھوالگ ءَ ھم گپءُ تران بوتگ۔ عاطف باجوہ ءَ بی آئی ایس پی ءَ چہ سیت چست کنوکیں مردم آنی واستہ پائلٹ فیز آنی تہ ءَ ھیل کاری ءِ منصوبگ بندات کنگ ءِ واستہ واھشت ءِ درشان کتگ۔ اے یکجائی منصوبگ آناں بی آئی ایس پی ءُ بینک الفلاح دوئین آں تکنیکی ٹیمب آنی شور ءُمشور ءَ چہ بندات کنگ بنت تانکہ پازیٹیو رند پد در جنگ بہ بیت۔
