اسلام آباد۔19جولائی (اے پی پی):وزارت برائے موسمی مٹ ءُبدلی ءُ ماحولیات ءِ کوآرڈینیشن ءُ حکومت برطامیہ ءَ پاکستان ءِموسمی مٹ ءُبدلی ءُ ماحولیاتی جیڈھ آں گوں گر ءُ چیل بوھگ ءِ واستہ کمک آناں دیمروئی دیگ ءِ بابت ءَ تپاک کتگ۔ اے تپاک نامہ مزن وزیر ءِ کوآرڈینیٹر برائفے موسمی مٹ ءُ بدلی رومینہ خورشید عالم ءُ برطانوی سفارتخانہ ءِ یک ڈلے ءَ ڈویلپمنٹ ڈائریکٹر جوموئیر ءِ سروکیءَ آئی ءِ گند ءُ نند منوگر بوتگ ات۔ آدینگ ءِ روچ ءَ وزارت ءِ موسمی مٹ ءُ بدلی ءَ چہ جاڑی بوتگیں جار ءِ رد ءَ مزن وزیر ءِ کوآرڈینیٹر برائے موسمی مٹ ءُ بدلی رومینہ خورشید علالم ءَ گوشتگ کہ اے کمک موسمی مٹ ءُبدلی آنی ھلاپ ءَ جنگ ءَ یک ارزشتی گامے ءِ ٹک ءُ نشان ءَ کنت ءُ دوئیں ملک اے میاں اوستمانی جیڈھ آں گوں گر ءُ چیل بوھگ ءِ واستہ دوئیں ملک آنی سول سوسائٹی ، وانگ ء زا نگی ادارگ ءُ کار پوریٹ سیکٹر ءَ را وت مہ وت یکجائیءَ کار کنگ ءِ ارزشت ءِ بابت ءَ زور پر دات۔ رومینہ خورشید عالم ءَ سہرا کت ءُ موسمی مٹ ءُ بدلی ءَ چہ کشت ءُ کشاری پڑ ءَ را آماچ کتگ ایشی ءَ چہ وردن ءُ وراک ءُ معاش بیم آنی آماچ بوتگ انت ءُ ملک ءَ گوستگیں وھد ءَ موسمی مٹ ءُ بدلی ڈکال آں چہ اربانی ڈالر ءِ معاشی تاوان آںی گوما دیم پہ دیمی کنگ کپتگ۔
