اسلام آباد۔19جولائی (اے پی پی): مزن وزیر محمد شہباز شریف ءَ گوشتگ کہ ابوظہبی پورٹس ءِ گوما منوگری آنی بست ءُ بند ءَ ھمک رنگیں کمک پجاری کنان ءَ ایشی ءَ چہ گیشاں چہ گیش سیت چست کنگ بیت، ڈیجیٹل ٹیکنالوجی ءُ نوکیں مشینری ءَ چہ دکہ ءَ چہ سامان وکنٹیزز آنی انتظام ءَ را گہتر کنگ بہ بیت۔ آدینگ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر محمد شہباز شریف ءَ گوں ابوظہبی پورٹس پاکستان ءِ چیف ایگزیکٹیو اپسرگ خرم عزیز خان ءَ ڈل ءِ ھمبراہی ءَ گند ءُ نند کت۔ اے موہ ءَ مزن وزیر ءَ را بریفنگ دیان ءَ گوشگ بوت کہ ابوظہبی پورٹس پاکستان کراچی دکہ ءَ آیوکیں سالءِ ساھت ءَ 250 ملین ڈالر ءِ سرمایہکاری کنت۔ 130 ملین ڈالر ءِ سرمایہ کاری ءَ چہ جوڑ بوھوکیں نوکیں ءُ توامیں رنگیں آسراتی آنی ٹرمینل آیوکیں دو سال ءَ سرجم کنگ بیت۔ ڈل ءَ مزن وزیر ءَ را کرچی دکہ ءَ کنٹینر ٹرمینل ءِ آسراتی آنی گہتری ءِ واستہ کمپنی ءِ سرمایہ کاری آنی ھوالگ ءَ بریفنگ دیان ءَ گوشت کہ کنٹینر ٹرمینل ءِ منصوبگ ءَ ایکس کنٹرول ، آٹومیٹک گیٹ، برتھ ءَ گیش 200 میٹر ءِ پراھءُ شاھیگانی ، کرین ریل ٹریک ءُایندگر انفراسٹرکچر ءِجوڑشت ھوار انت۔ ٹرمینل ءَ نوکیں انفراسٹرکچر ءِ جوڑیشت ءَ چہ یک لکھ 20 ہزار ٹن ءَ تاں مال زوروکیں جہا ز اوشتات کناں ایشیءَچہ دکہ ءِ سر ءَ معاشی چست ءُ ایر آنی تہ ءَ گیشی بیت۔ مزن وزیر ءَ گوشت کہ ڈیجیٹل ٹیکنالوجی ءُ نوکیں مشینری ءَ چہ دکہ ءِ سر ءَ سامان وکنٹیز ءِ انتظام ءَ را گہتر کنگ بہ بیت۔ آئیءَ پنت ءُ شون کت کہ کنٹینرز آنی نظام ءَ را گہتر کنان ءَکلیئرنس ءِ واستہ پکاریں وھد ءَ را کم ءَ چہ کم کنگ بہ بیت۔ مزن وزیر ءَ گوشت کہ ابوظہبی پورٹس ءِ گوما منوگری ءِ مول ءُ مراد ساپ ءُ سلہ ئی، کار رپک آنی تہءَ گیشی ءُ پورٹ آپریشنز آنی گہتری اِنت۔ ابوظہبی پورٹس ءِ گوما منوگری آنی برجائیءَ ھمک رنگیں کمک پجاری کنان ءَ گیشاں چہ گیش سیت چست کنگ بیت۔ مزن وزیر ءَ ریلوے کارندہ آناں منصوبگ ءَ را برجا جوڑ کنگ ءُ ٹرمینل ءَ چہ سامان آنی شنگ ءُ تالان کنگ ءَ را گہتر کنگ ءِ واستہ مال چست کنوکیں بوگی ءُ ضلوریگیں رولنگ سٹاک ءِ پجاری کنگ ءِ پنت ءُ شون کت۔
