اسلام آباد۔ 19 جولائی (اے پی پی) بنجائی وزیر داخلہ محسن نقوی بنوں ٹی دہشت گرد آتا جلہو ءِ بے سہب کروک آ شہید سپاہی ثوبان نا جیرت ءِ سلام پیش کرسا پارینے کہ سپاہی ثوبان جون ءِ ترسا بہادری نا بے مٹ ءُ مثال اس جوڑ کرے، سپاہی ثوبان ہینڈ گرینڈ آ خاچسا تینا نہادی زند ءِ لمہ وطن آ ندر کرے و دہشت گرد آتا ناپاک عزم ءِ مش تا کرے۔ جمعہ نادے آ داڑے تینا اسہ بیان اسے ٹی اوپارے کہ سپاہی ثوبان ہرا جیرت و نرزوری نا درشانی ءِ کرے ، او تاریخ اٹی روشنا لوز آتیٹی نوشتہ کننگک۔ محسن نقوی پارے کہ قوم تینا ہیرو سپاہی ثوبان نا دلیری ءِ سلیوٹ کیک، شہید سپاہی ثوبان کون آ بڑزکو حوصلہ و قومی جوزہ غان سرشار بہادر گلزادہ غاتا مننگ تون مکار دشمن نا ہرگھناؤنی سازش بے سہب مریک۔
