اسلام آباد۔ 19 جولائی (اےپی پی) چیئرمین پرائم منسٹر یوتھ پروگرام رانا مشہود خان پارینے کہ وزیراعظم ، وزیراعظم آفس اسلام آباد اٹی جنریشن ان لمیٹڈ سٹریٹجک ایڈوائزری کونسل (جی ای این یو) نا جوڑ کننگ نا منظوری ءِ تسنے، دااہم گام ورناتے واکدار کننگ، سٹریٹجک شریداری و پوسکن آ فنانسنگ نا کمک اٹ پائیدار شونداری کن حکومت نا عزم ءِ پیدوار کیک، کونسل چندی بشخ آتا بڑزکو عہدیدار و نمائندہ غاتیا تالان ءِ، وزیراعظم کونسل نا سرپرست اعلیٰ و وزیراعظم یوتھ پروگرام نا چیئرمین ہرا بطور چیئرپرسن و کنوینئر نا وڑاٹ کاریم کیک۔ جمعہ نادے آ وزیراعظم یوتھ پروگرام آن جاری بیان نا رداٹ ایڈوائزری کونسل نا ایلو باسک آتیٹی اقتصادی امور ڈویژن نا وزیر، بنجائی تعلیم و کسبی تربیت نا وزیر، ڈٹ بندی، شونداری و خصوصی گام گیج نا وزیر، پیشن نا ملک رہینگوک پاکستانی و انسانی وسیلہ گاتا شونداری نا وزیر، انفارمیشن ٹیکنالوجی و ٹیلی کمیونیکیشن نا وزیر، بنجائی وزیر ڈٹ بندی، شونداری و خصوصی گام گیج، واپار، وزیر صنعت وپیدوار، وزیر قومی میرات و دودوربیدہ، وزیر بین الصوبائی رابطہ، و وزیر موسمیاتی بدلی اوار ءُ۔ داکان بیدس یونیسیف جنریشن ان لمیٹڈ نا کنٹری نمائندہ، اقوام متحدہ نا ریزیڈنٹ کوآرڈی نیٹر، صوبائی وزیر امور نوجوانان بشمول آزاد جموں و کشمیر و گلگت بلتستان ، نیشنل یوتھ کونسل نرینہ و زالبول نا نمائندہ ، فیڈریشن آف پاکستان چیمبرز آف کامرس اینڈ انڈسٹری نا صدر، صدر اوورسیز انویسٹرز چیمبرآف کامرس اینڈ انڈسٹری و ہاشو گروپ نا صدر الدین ہاشوانی ہم کونسل نا اہم باسک آتیٹی اوار ءُ۔ ورکنگ گروپ نا کماشی ءِ پرائم منسٹر یوتھ پروگرام نا چیئرمین و یونیسیف جنریشن ان لمیٹڈ نا کنٹری نمائندہ اسیجائی وڑاٹ کیرہ، داٹی تعلقدار بنجائی وزارت آتا سیکرٹری، صوبائی چیف سیکرٹری، بزنس چیمبرز نا نمائندہ و ایلو اہم اسٹیک ہولڈر آک اوار ءُ۔ جی ای این یوسٹریٹجک ایڈوائزری کونسل بنداوی وڑاٹ جی ای این یوروڈ میپ اکن سٹریٹجک سمت فراوان کننگ، جی ای این یونا سرجزآتے قومی پالیسی و وارخواہی آتون ہم گرنچ کننگ وآپریشنل وڑوڈول و بنجائی و صوبائی رابطہ کاری نا راہشونی آ چکارکیک۔ دا شریداری نا وڑوڈول آتیکن سرکڑدہ و چاروکی نا فرض ہم سرایتک، اہم سرحال آتیا سیاسی سرکڑدہ غاتا است بڈی ءِ کیک، سرمایہ ءِ متحرک کیک، و اومیت افزا مالڈآتے ودفنگ کن علم، مہارت و ٹیکنالوجی نا شریداری ءِ کیک۔ داکان بیدس کونسل چندی کہول آتیا وکالت ناکوشست و سیوت سازی نا کماشی ءِ کیک۔ کونسل نا دیوان اِرا سال اٹی و گرج انا رداٹ کم از کم شش باسک آتا کورم ءِ پک کرسا مریک، اودے انتظامی کاریم تیکن پرائم منسٹر یوتھ پروگرام اٹی ٹیکنیکل سٹیئرنگ کمیٹی و جی ای این یوسیکرٹریٹ آن کمک دوئی مریک۔ دا گام ورناتے واکدار کننگ و پائیدار شونداری ءِ مون آ دننگ نا کنڈآ اسہ اہم ءُ گام اسے۔ جی ای این یو ایڈوائزری کونسل تینا سٹریٹجک ہدف آتا دوئی کننگ کن جی ای این یو گام ءِ مون آ دننگ اٹ اہم کڑد ادا کیک۔
