پشاور۔ 19 جولائی (اے پی پی) مردان نا علاقہ تخت بھائی ٹی دہشت گرد آتا جلہو اٹی شہید مروک آ کانسٹیبل عمرنبی نا نماز ءِ جنازہ ءِ سرکاری اعزاز اتون پولیس لائن اٹی خواننگا۔ مردان پولیس نا رداٹ نماز ءِ جنازہ ٹی آرپی او مردان نجیب الرحمان ، ڈی پی او ظہور بابر آفریدی و ایس پی انوسٹی گیشن ارشد خان تون اوار پولیس آفیسر و ورناک بشخ ہلکر۔ داوخت آ پولیس نا چاق و چوبند دستہ شہید ءِ سلامی پیش کرے و آفیسر آک پھل شاغار۔ نماز ءِ جنازہ غان پد شہید عمرنبی نا میت ءِ اونا باوہ پیرہ ئی آ خلق لوند خوڑ تحصیل تخت بھائی آ روانہ کننگا۔ ایلو کنڈآ جلہو اٹی ٹھپی مروک آ حوالدار شبیر احمد و کانسٹیبل فیاض ءِ طبی امداد کن ہسپتال آ گدریفنگانے وخت اس کہ پولیس ناعلاقہ ٹی سرچ آپریشن برجاءِ۔
