اسلام آباد۔ 19 جولائی (اے پی پی) صدر مسلم کانفرنس و مسکوہی وزیراعظم آزاد کشمیر سردار عتیق احمد خان پارینے کہ اینو کشمیری قوم مچ آ دنیا ٹی 19 جولائی 1947 نا مسلم کانفرنس نا قراردادِ الحاق پاکستان نا تجدید ءِ کننگ ءُ، کشمیر جوڑ مریک پاکستان نا نعرہ سویلی ایشیانا رکھوک آخبت نا اسہ بھلوضمانت اسے، پاکستان کشمیری الس نا آخیریکو و رکھ انگا پناہ گاہ ءِ۔ 19جولائی یوم قرارداد الحاق پاکستان نا بابت بیان اٹی اوپارے کہ مسلم کانفرنس نا قرارداد الحاق پاکستان تحریک آجوئی ٹی میگناکارٹانا حیثیت تخک، تحریک الحاق پاکستان حقیقت اٹ تحریک تکمیل پاکستان ءِ۔ سردار عتیق پارے کہ کشمیر مریک پاکستان نا نعرہ سویلی ایشیانا رکھوک آخبت نا ضمانت ءِ ، پاکستان کشمیری الس ناآخیریکو و رکھوک پناہ گاہ ءِ، ننا بروک آ چین تا رکھوک آخبت بیرہ پاکستان تون گنڈوک ءِ۔ اوپارے کہ کشمیر جوڑ مریک پاکستان نا نعرہ دفاع پاکستان نا پنی آ السی بنداو ءِ، زوت یا ہرے بھارت ء ِ تینا غیرکانودی کوزہ ٹی جموں و کشمیر آن پیش تموئی مریک ، ریاست جموںو کشمیر نامذہبی ، سیاسی و پاکستانی تشخص آ ہچ ءُ سمجھوتہ اس کننگ کپسہ۔ سردار عتیق پارے کہ مسلم کانفرنس اینو ہم 19 جولائی 1947 نا قرارداد ءِ الحاق پاکستان تون سلوک ءِ، قرارداد الحاق پاکستان منظور کروک آسیاسی و پارلیمانی سرکڑدہ غاک ننا قومی ہیروک ءُ۔
