لاہور۔ 19 جولائی (اے پی پی) لاہور نا انسداد دہشت گردی نا خصوصی عدالت تدوک آ سال نہہ مئی نا واقعہ غاتیٹی جناح ہاؤس اٹی جلاؤ گھیراؤ نا مقدمہ ٹی قومی اسمبلی ٹی اپوزیشن لیڈر عمرایوب، زین قریشی، مسرت چیمہ، و جمشید چیمہ تون اوار ایلوفتا عبوری ضمانت آتا کیس اٹی پولیس ءِ جاست وپاست پورو کننگ نا آخیریکو موقع ءِ تس و دوبہ دارآ تا عبوری ضمانت آتیٹی شش اگست اسکان ودکی کرے۔ انسداد دہشت گردی نا خصوصی عدالت نا جج خالد ارشد عبوری ضمانت آتیا سماعت کرے۔ جمعہ نادے آ سماعت آ اپوزیشن لیڈر عمرایوب، اعظم سواتی، و مسرت جمشید چیمہ تون اوار ایلو دوبہ دار آک عدالت اٹ پیش مسر وحاضری ءِ خلکر۔ عدالت جاست وپاستی ءِ بروک آ سماعت اسکان جاست وپاست ءِ پورو کننگ نا پرمان کرے ، عدالت پرمان کرے کہ ہرا دوبہ دار آک جاست وپاست اٹی اوار متنو اوجاست وپاست اٹ اوار مریر، عدالت غٹ دوبہ دار آتا عبوری ضمانت آتیٹی شش اگست اسکان ودکی کرے۔ یات سلے کہ پی ٹی آئی راہشون تیا نہہ مئی آ جناح ہاؤس آ جلہونا دوبہ ٹی تھانہ سرور روڈ اٹی چندی دفعہ غاتا رداٹ مقدمہ نوشتہ ءِ۔
