اسلام آباد۔ 18 جولائی (اے پی پی) بنجائی وزیر ڈٹ بندی، شونداری و خصوصی گام گیج احسن اقبال پارینے کہ دنیا چین نازرگزرانی شونداری ناماڈل و وطن مارکیٹ آن فائدہ دوئی کننگ خواہنگ ءِ، پاکستان نا جغرافیائی حیثیت نا سوب آن سی پیک ڈٹ اینو ہم بھاز اہمیت تخک، سی پیک نا امتیازی حیثیت نا رداٹ اینو ہم ننکن شونداری نا پبی وارخواہی ساڑی ءِ۔ داخیال آتا درشانی ءِ او تینا کماشی ٹی پاک چین اقتصادی راہداری نابابت اہم دیوان اٹی کرے۔ دیوان اٹی وزیراعظم شہباز شریف نا دورہ ءِ چین اٹی پاک چین اقتصادی راہداری نا بابت مروک آ فیصلہ غاتیا عملدرآمدنا جاچ ءِ ہلنگا۔ اوپارے کہ چین و پاکستان نا سرکڑدہ غاتا نیام اٹ اقتصادی راہداری نا ارٹ میکو ریسہ 2.0 آ پورو امنائی سلاہ ءِ۔ تدوک آ ہفتہ مروک آ کنا دورہ ءِ چین ہم وزیراعظم پاکستان نا دورہ ءِ چین نا تسلسل اٹی ئس۔ کنا دورہ ءِ چین اٹی وزیراعظم شہباز شریف نا چین نا صدر و وزیراعظم تون اوڑدہی تیٹی مروک آ فیصلہ غاتیا عملدرآمد کن حکمت عملی آ گپ وتران مس۔ مچ آ دنیا غان سروک مملکت و وزیراعظم آک چین نا دورہ ءِ کننگ اٹی ءُ۔ دنیا چین نا زرگزرانی شونداری نا ماڈل و وطن مارکیٹ آن فائدہ دوءی کننگ خواہنگ ءِ۔ 2018 اسکان پاکستان سی پیک نا سوب آن چین نا پوسکن آ زرگزرانی ماڈل و اوپن مارکیٹ آن فائدہ ہرفوک آ غٹ آن بھلا ملک ئس۔ نن 2018 غان پد سی پیک ڈٹ آتے جھیڑہ ئی جوڑ کرسا سست روی نا گواچی کرین۔ سی پیک ڈٹ آتا سست روی و گڑاس زیرتکمیل ڈٹ آتے تورسا نن دنیاغان پدی سلیسن۔ اوپارے کہ 2018 اسکان سی پیک بیلٹ اینڈ روڈ گام انا رداٹ اہم آ راہداری ئس۔ اینو مچ آڈیہہ اٹی بیلٹ اینڈ روڈ نا رداٹ ایلو کیہی راہداری سرسہبی اٹ پوروی نا مون نا ریسہ غاتیا سرمننگ ءُ۔ پاکستان نا جغرافیائی حیثیت نا سوب آن سی پیک ڈٹ اینو ہم بھاز اہمیت تخک۔ سی پیک نا امتیازی حیثیت نا رداٹ اینو ہم ننکن شونداری نا پبی وارخواہی ساڑی ءِ۔ شونداری نا وارخواہی تیان فائدہ ہرفنگ کن ننے فیز2.0 ٹی اوار ڈٹ آتا پوروی کن سنجیدگی نا درشانی و تعلقدار وزارت و ادارہ غاتے سی پیک نا زیر تکمیل و پوسکن آ ڈٹ آتا پوروی کن دے ونن ءِ اسٹ کروئی مریک۔ بنجائی وزیر پارے کہ چین و پاکستان نا حکومت آک ایم ایل ون ڈٹ آ زوت کاریم نا بناءِ کننگ کن متفق ءُ۔ وزارت ریلوائی ایم ایل ون ڈٹ ءِ زوت بناکننگ کن غٹ دستاویز و المی گام گیج آتے پورو کے۔ کناساڑی آ دورہ ءِ چین اٹی ایم ایل ون ڈٹ اکن جوائنٹ فنانسنگ کمیٹی نا دیوان ءِ زوت بٹنگ آ امنا مسنے۔ ایم ایل ون ڈٹ انا جوائنٹ فنانسنگ کمیٹی نا دیوان اسہ تُو انا تہہ ٹی اڈتننگک۔ وزارت ریلوائی و تعلقدار ادارہ غاک ایم ایل ون ڈٹ انا جوائنٹ فنانسنگ کمیٹی نا دیوان اٹی پورو تیاری اتون بشخ ہلنگ ءِ پک کیر۔ جوائنٹ فنانسنگ کمیٹی نا دیوان اٹی ڈٹ انا مد پورو و پوروی نا ریسہ غاتا تعین ءِ کننگک۔ ایم ایل ون ڈٹ آتے ریسہ وار پورو کننگک۔ ریلوائی و این ایچ اے کمامدارآک مچ آ ڈیہہ انا راہ کاری کن ماسٹر پلان اس تیارکیر۔ماسٹر پلان اٹ پاننگے کہ سی پیک و پاکستان ہراوڑ مچ آ ڈیہہ ءِ گنڈنگ و جہانی اقتصادی شونداری نا انجن نا وڑاٹ گچین کڑد ادا کننگ کیرہ۔
