کوئٹہ۔ 18 جولائی (اے پی پی) پروونشل ڈیزاسٹر مینجمنٹ اتھارٹی (پی ڈی ایم اے) بلوچستان نا ریلیف کمشنر/ڈائریکٹر جنرل جہازیب خان قلعہ سیف اللہ، ژوب، شیرانی، و لورالائی تون اوار چندی ضلع غاتا جوانی اٹ دورہ ءِ کرے۔ داوخت آ کمشنر ژوب ڈویژن طارق الرحمان اوڑتون اوار ئس۔ ڈپٹی کمشنرڈی جی پی ڈی ایم اے ءِ ڈویژن نا چندی علاقہ غاتا بارواٹی معلومدار و ہندی چیلنج و سائٹ آتا حالیت و عوامل آتا بارواٹی بریف کرے۔ دورہ ٹی ضلعی کہول آ گمانی بشامی آ پِر تا بابت ہلہلہ ئی ڈٹ آتیا گپ وتران اوار ئس۔ ڈی جی پی ڈی ایم اے بلوچستان ڈپٹی کمشنر آتے بشامی آ پِر تاسوب گمانی آفت آتیکن تیاری و گچین ردعمل ءِ پک کننگ کن پارت فراوان کرے۔ صوبائی پی ڈی ایم اے ضلع شیرانی ٹی واقع علاقہ داناسر، این۔ 50 نیشنل ہائی وے آ لینڈ سلائیڈنگ آن زہمی علاقہ غاتا ہم دورہ ءِ کرے و ڈپٹی کمشنر تون اوار، لیویز فورس و نیشنل ہائی وے اتھارٹی (این ایچ اے) نا ٹیم تا برجاکوشست آتا جاچ ءِ ہلک۔ او لینڈ سلائیڈنگ آ اوفتا دمدستی ردعمل نا ستاءِ کرے۔ داکان بیدس او تحصیل میختر ضلع لورالائی ٹی درگئی اسپالو نا زمی جمب آن زہمی علاقہ غاتا دورہ ءِ کرے۔ اوبھس مروک انفراسٹرکچر و ملکیت آتا جاچ ءِ ہلک و زہمی بندغ آتیٹی کمکی گڑا بشخا۔ اوڈپٹی کمشنر لورالائی ءِ دمدستی پارت جاری کرسا پارےکہ او ضرورت مند آتے ودکی کمکی گڑاتا دمدستی فراوانی ءِ پک کیر۔ دا دورہ ءِ بلوچستان حکومت نا قدرتی آفت آتا اثرآتون مون تننگ و کم کننگ نا عزم انا پیدواری ءِ کیک و داہیت ءِ پک کیک کہ ضرورت مند کمیونٹی تے المی امداد و وسیلہ دمدستی وڑاٹ مہیا مرے۔
