کوئٹہ۔ 18 جولائی (اے پی پی) صوبائی وزیر ڈٹ بندی و شونداری ظہور احمد بلیدی تینا مخالف اومیتدار نا کنڈآن عدالت اٹی دائر گچین کاری پٹیشن خارج مننگ آ تینا ووٹر و مخ تف آتون اوار مچ آ حلقہ نا الس ءِ مبارکبادی پیش کرینے۔ پنچ شنبے نادے آ تینا بیان اٹی اوپارے کہ شونداری مخالف و شرپسندانہ بیانیہ تخوک آ اومیتدار الیکشن اٹی السی مینڈیٹ ءِ توننگ کن غیرمنصفانہ چم آتے کاریم اٹ اتنگ نا کوشست کرینے ولے اینو شرفمند آ عدلیہ نا کنڈآن حق و سچ انا سرسہبی مسنے و شرفمند آ عدالت الس نا حق رائے دہی ءِ امنا کرینے جواآخا۔ صوبائی وزیر ظہور احمد بلیدی سینیٹر کامران مرتضیٰ نا کماشی ٹی تیناوکلاپینل نا منت واری ءِ ہرفسا پارینے کہ او پبی کانودی دلیل آتا بنداو آ اونا حلقہ نا الس نا وکالت ءِ کرینے۔ ظہور احمد بلیدی تینا غٹ ووٹر و مخ تف آتا منت واری ءِ ہرفینے ہرا ہرمشکل ساہت اٹی اوڑتون ہم کوپہ سلیسنو۔
