کوئٹہ۔ 18جولائی (اے پی پی)وزیراعلیٰ بلوچستان میر سرفراز بگٹی عاشورہ محرم الحرام نا بابت ہلوک آ سیکورٹی بست وبند آتا جاچ ءِ ہلنگ کن سینٹرل پولیس آفس کوئٹہ نا دورہ ءِ کرے صوبائی وزیر داخلہ بلوچستان میر ضیاءاللہ لانگو ، کمانڈر12کور لیفٹیننٹ جنرل راحت نسیم احمد خان ، چیف سیکرٹری بلوچستان شکیل قادر خان ، آئی جی پولیس بلوچستان عبدالخالق شیخ ، آئی جی ایف سی چوہدری امیر اجمل و کمشنر کوئٹہ ڈویژن حمزہ شفقات تون اوار ایلو تعلقدار کمامدارآک ہم داوخت آ ساڑی ئسر وزیراعلیٰ ءِ سینٹرل پولیس آفس کوئٹہ ٹی جوڑ ڈیٹا کمانڈ اینڈ کمیونیکیشن سینٹر اٹی تعلقدار کمامدارآتا کنڈآن سیکورٹی بست وبند آتیا حوال تننگا ، حوال اٹی پاننگاکہ عاشورہ محرم الحرام نا مرکزی جلوس نا سی سی ٹی وی کیمرہ غاتا کمک اٹ پورو مانیٹرنگ ءِ کننگ انگ ءِ وجلوس نا ڈرون کیمرہ غاتا کمک اٹ فضائی چاروکی ءِ ہم کننگ انگ ءِ جلوس نا روٹ آ سیکورٹی نا فول پروف گام گیج کننگانے وزیراعلیٰ ءِ کوئٹہ تون اوار صوبہ نا ایلو ضلع غاتیٹی عاشورہ محرام الحرام نا جلوس آتا سیکورٹی حالیت آتا بابت ہم حوال تننگا ،وزیراعلیٰ سیکورٹی بست وبند آتیا است جمی نا درشانی ءِ کرسا ضلعی انتظامیہ پولیس و سیکورٹی ادارہ غاتا کنڈآن کروک آ گام گیج آتا ستاءِ کرے ، وزیراعلیٰ داوخت آ سینٹرل پولیس آفس کوئٹہ نالائبریری و میوزیم نا معائنہ ءِ ہم کرے۔
