پشاور۔ 17 جولائی (اے پی پی):خیبرپختونخوا ءِ بنجاہی حکومت پشاور ءَ عاشورہ ءِ روچءَ جتاہ جتاہیں امام بارگاہ آں چہ 12 روانک درآتکگ اَنت، اولی روانک امام بارگاہ سید علی شاہ رضوی ءَ چہ درآتکگ وہدےکہ روانک جتاہ جتاہیں کشکاں چہ روان بوتگ ءُ وتی منزل ءَ آسر بوتگ اَنت۔ محرم الحرام ءِ حوالگءَ چہ شہرءِ تہا سکیورٹی ءِ ترندیں گامگیج کنگ بوتگ اَنت، روانکانی سکیورٹی ءِ ھاترءَ 14 ہزار افسر ءُ اہلکار ڈیوٹیءَ ساڑی بوتگ اَنت ءُ روانکانی کشکاناں کلیئر کنگ ءِ ھاترءَبمب ڈسپوزل یونٹ ءِ اہلکار ساڑی بوتگ اَنت۔ شہرءِ تہی نیمگءَ را سرجم ءَ سیل کنگ بوتگ۔ روانکانی نیمگءِ درائیں کشک سیلءُ موبائل فون سروس بند کنگ بوتگ اَنت وہدےکہ روانکاناں کنٹرول روم ءَ سی سی ٹی وی کیمرہ آنی وسیلگءَ چارءُ تپاسی کنگ بوتگ۔
