اسلام آباد۔16جولائی (اے پی پی):سپیکر راجی اسمبلی سردار ایاز صادق ءَ مشکت ، عمان ءَ امام علی مسجد ءَ مجلس عزاداریءِ ساھت َ تیر گواری ءَ چہ بوھوکیں جانی تاوان بار ءِ پد ءَ اپسوزی ءِ درشان کنان ءَ پاکستانی شہری مردم آں ھوار توامیں بیران بوھوکیں مردم آنی گس ءِ مردم آں گوں یکوئی ءِ درشان کتگ۔ سئے شمبے ءَ ادا جاڑی بوتگیں بیان ءِ رد ءَ سپیکر ءَ گوشت کہ ناشرکار آنی لگوریں کاروائی ناشرکاری ءِ ھلاپ ءَ جنگ ء مسلمان آنی جزم ءَ را ڈگار ءَ جت نہ کنت۔ اسپیکر ءَ بیران بوتگیں مردم آنی درجگ آنی برز ءُ بلندی ءِ واستہ دعا ءِ نیک کت۔ آئی ءَ گوشت کہ پاکستان ءِ پارلیمان ءُ الس ڈکھ ءِ اے ساھت ءَ عمان ءِ حکومت ءُ الس ءِ گوما ھمگام ءَ اوشتاتگ ۔ اسپیکر ءَ عمان ءَ جوڑیں پاکستانی سفارتخانہ ءَ ٹپیگ آناں ھمک رنگیں آسراتی پجاری کنگ ءِ پنت ءُ شون کت۔ اسپیکر ءَ ٹپیگ آنی زوت جان سلامتی ءِ واستہ دعا ءِ نیک کت۔
