اسلام آباد۔16جولائی (اے پی پی):سپیکر راجی اسمبلی سردار ایاز صادق ءَ بنوں کینٹ ءِ سر ءَ ناشرکاری ارش ءَ را گوں ترندی ءَ مذمت کنان ءَ گوشتگ کہ لگوریں ارش ءَ را ناکام کنگ ءِ پد ءَ سیکورٹی فورس آناں توسیپ ءُ ستا پیش کناں۔ اے جاڑی بوتگیں بیانءِ رد ءَ اسپیکر ءَ ناشرکاری ارش ءَ را ناکام جوڑ کنوکیں ھشت ورنا آنی شہید بوھگ ءِ پدءَ اپسوزی درشان کتگ۔ شہید بوھوکیں نائب صوبیدار محمد شہزاد ، حوالدار شہزاد احمد ءَ ھوار ایندگر توامیں شہید آناں توسیپ ءُ ستا پیش کنان ءَ گوشتگ کہ شہید راج ءِ پھر انت شہید آنی دیمپانی وطن ءِ واستہ داتگیں قربانی آناں مدام یات کنگ بیت۔ آئی ءَ گوشت کہ ماتیں وطن ءِ ھاترا وتی جان آنی قربان کنوکیں ورنا آناں توسیپ ءُ ستا پیش کت ءُ گوشت کہ اے لگوریں وئیل مزن جگریں ورنا ءُ اے ملک ءِ الس ءِ واھشت آناں ڈگار جت نہ کناں۔ ناشرکار آناں چہ بن روتگ ءَ ھلاس کنگ بیت۔ آئی ءَ شہید آنی درجگ آنی برز ءُ بلندی ءِ واستہ دعا ءِ نیک کت۔
