اسلام آباد۔16جولائی (اے پی پی):مزن وزیر محمد شہبا ز شریف ءَ گوشتگ کہ ناشرکاری ءِ ھلاپ ءَ پاک فوج ءُ ایندگر سیکورٹی فورسز آنی قربانی بے درور انت، سرجمیں راج ناشرکاری ءِ ھلاپ ءَ جنگ ءَ سیکورٹی فورسز ءِ گوما ھمگام انت، ناشرکاری ءِ ھوپ ءَ را سرجمیں رنگ ءَ ھلاسی کنگ ءِ واستہ جزمیگ انت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیانءِ رد ءَ مزن وزیر محمد شہباز شریف ءَ بنوں چھاونی ءِ سر ءَ یک ٹوھیں ناشرکاری واکیہ ءَ را ناکام کنگ ءِ پد ءَ سیکورٹی فورسز آناں توسیپ ءُ ستا پیش کتگ ءُ ناشرکار آنی گوما گوں دلیری ءَ مقابلہ کنان ءَ ناشرکار آناں جہندم ءَ روان دیگ ءِ پد ءَ سیکورٹی فورسز آنی کار کرد ءِ توسیپ کت۔ مزن وزیر ءَ ارش ءَ شہید بوھوکیں پاک فوج ءِ ورنا نائب صوبیدار محمد شہزاد ، حوالد ظل حسین، حوالدار شہزاد احمد ، سپاہی اشفاق حسین خان، سپاہی سبحان مجید، سپاہی امتیاز خان، سپاہی ارسلان اسلم ءُ فرنٹیئر کانسٹیبلری ءِ لانس نائیک سبز علی ءِ درجگ آنی برز ءُ بلندی ءِ واستہ دعا ءِ نیک کتگ ءُ شہید آنی ھاندان آں گوں دلپدردی ءِ درشان ھم کتگ۔
