x
اسلام آباد۔ 15 جولائی (اے پی پی) وزیراعظم محمد شہباز شریف پارینے کہ حکومت ورناتیکن پوسکن کسب و کسبی تعلیم اٹی زرکاری کن سنبرینگوک ءِ، ورناتے زند انا ہر بشخ اٹی شونداری و باوقار روزگار کن پوسکن کسب و کسبی تربیت ءِ پک کینہ۔ جہانی یوم ہنر نوجواناں نا وخت آ تینا کلہو اٹی وزیراعظم پارے کہ پاکستان نا غٹ آن بھلا واک ننا لائخ آ ورناک ءُ۔ پاکستان نا آخبت ءِ روشنا کننگ کن ورناتے پوسکن آ کسب آن آراستہ کننگ وخت انا گرج ءِ۔ شون ہلوک قومک تینا ورناتے کسب کار کننگ اٹ زرکاری کیرہ۔ حکومت تینا ورناتے پوسکن تعلیم، اسہ وڑنا شونداری نا وارخواہی اتون اوار اوار دنیا تون مقابلہ کننگ کن پوسکن کسب آن آراستہ کننگ ءِ۔ وزیراعظم پارے کہ انفارمیشن ٹیکنالوجی نا بشخ اٹی 3 لکھ و پوسکن کشت وکشار کن 1 ہزار ورناتے کسبی تربیت کن چین آ گدریفنگ نا گام گیج، ورناتا ساڑی آدورہ ءِ چین اٹی طے مس، حکومت نا ہندا عزم انا درشانی ءِ۔ دارداٹ نئے بیرہ زالبول بلکن پسماندہ علاقہ غاتیان تعلق تخوک آورناتے خصوصی اولیت تننگ انگ ءِ۔ وزیراعظم پارے کہ قومی کہول آ ہم انفارمیشن ٹیکنالوجی نا بشخ اٹی ہیلکاری پروگرام برجاءِ ہراکان فارغ التحصیل لکھ آ طالب علم پاکستان و پاکستان آن پیشن تینا لائخی تے منفنگ ءُ۔ نیوٹیک (NAVTTC)نا رداٹ ادارہ غاتا اصلاحات نا عمل نا بناءِ ہم کننگانے، نیوٹیک و اونا شریدارادارہ غاتون اواری اٹ حکومت ہزار آورناتےمارکیٹ ایلبل کسب وکسبکاری نا فراوانی ءِ پک کننگ ءِ۔ وزیراعظم پارےکہ نن ورناتے زند انا ہر بشخ اٹی شونداری و باوقار روزگار کن پوسکن کسب و کسبی تربیت ءِ پک کینہ۔
