کوئٹہ۔ 15 جولائی (اے پی پی) صوبائی وزیر جان جوڑی بلوچستان سردار زادہ میر فیصل خان جمالی ٹراما سینٹر سول ہسپتال اٹی ٹرائیج یونٹ نا بناءِ کرے۔ داوخت آ ایم ڈی ٹراما سینٹر ارباب کامران، ڈی جی ہیلتھ ڈاکٹر فاروق ہوت ایم ایس سول ہسپتال ڈاکٹر اسحاق پانیزئی ، ایم ایس بی ایم سی ڈاکٹر امین خان مندوخیل، ڈین پی جی ایم آئی پروفیسر ڈاکٹر نصیب اللہ زرکون، چیف سرجن ٹراما سرجن اقبال جعفر، ڈپٹی ڈائریکٹر ٹراما ڈاکٹر حمیرا، ڈاکٹر سلیم بوریوال ڈاکٹر سیدال خان، ڈاکٹر جہانزیب و ایلو کمکار آک ساڑی ئسر، وزیر جان جوڑی بلوچستان سردار زادہ میر فیصل خان جمالی ٹراما سینٹر نا چندی بشخ آتا ہم معائنہ ءِ کرے و داخل مریض آتا جان پڑسی ءِ کرے ، وزیر جان جوڑی بلوچستان سردار زادہ میر فیصل خان جمالی ایم ڈی ٹراما سینٹر و طبی عملہ نا کارکڑد نا ستا ءِ کرے ، ایم ڈی ٹراما سینٹر ڈاکٹر ارباب کامران نا ایمرجنسی حالیت آتیٹی کارکڑد ستاکڑزک، صوبائی وزیر جان جوڑی بلوچستان سردار زادہ میر فیصل خان جمالی میڈیا تون گپ وتران کرسا پارے کہ ہسپتال اٹی طبی مشینری و دوائی تا کمتی ءِ پورو کننگ کن اولیتی بنداوتیا گام گیج کننگ انگ ءِ۔ داوخت آ منیجنگ ڈائریکٹر ٹراما سینٹر پارے کہ ٹرائیج نا مسخت ہرا بندغ آتے جان لیوا خطرناک ٹھپ اکن دمدستی چکارنا گرج مریک و اودے طبی کمک کن اول گدریفنگے ٹرائیج یونٹ نادوئی کننگ ٹریفک شکست و ایلو ہلہلہ ئی حالیت آتا زہمی تا جان ءِ بچفنگ کن آب اٹ ہلہلہ ئی درمان اسکان وخت انا لحاظ اٹ حساس و بریبر رسینگ فراوان کننگ نا بارواٹی ہم پارے ۔ دا المی یونٹ نا ملنگ آن ایمرجنسی ڈیپارٹمنٹ اٹی انتظارنا وخت کم مریک و دانازرک باندات آتے اولیت تننگک ہرافتے ٹی سوگوی و طبی یاجراحی مداخلت نا ضرورت مریک اوپارے کہ پوسکن جوڑ کروک ٹرائیج یونٹ 8 کٹ آتیا تالان ءِ ہر اسہ نازرک طبی باندات آتیکن وقف ءِ و مریض آتا اسکریننگ نا بست وبند ءِ کننگ کن ڈاکٹر آتون اسہ بیابخیری علاقہ اس فراوان کیک۔
