اسلام آباد۔ 15 جولائی (اے پی پی) اسپیکر قومی اسمبلی سردار ایاز صادق بنوں کینٹ آ دہشت گرد آتا جلہو نا کوشست نا مذمت ءِ کرسا جلہو نا کوشست ءِ بے سہب کننگ آ سیکورٹی فورس آتے خراج تحسین پیش کرینے۔ دوشنبے نادے آ تینا بیان اٹی اوپارے کہ سیکورٹی فورس آک وخت آ کارروائی کرسا بھلو نسخان اسے آن ملک ءِ بچفیر، سیکورٹی فورس آک ملک انا دفاع و دہشت گردی نا چٹفنگ کن بے مٹ قربانی تسنو، دہشت گرد آک ملک و قوم انا دشمن آک ءُ۔ سردار ایاز صادق پارے کہ دہشت گردی نا برخلاف جنگ اٹی مچ آ قوم سیکورٹی فورس آتون ہم کوپہ سلوک ءِ، دہشت گرد زموار آتا لغوری کارروائی دہشت گردی نا برخلاف ننا عزم ءِ بدل کننگ کپک۔
