صحبت پور۔15 جولائی (اے پی پی) پاکستان پیپلزپارٹی زالبول ونگ بلوچستان نا صوبائی و ڈپٹی اسپیکر صوبائی اسمبلی بلوچستان غزالہ اشفاق احمد خان گولہ وپاکستان پیپلزپارٹی زالبول ونگ بلوچستان نا صوبائی ڈپٹی سیکرٹری حوالکاری بے نظیر گولہ چیئرمین پاکستان پیپلزپارٹی نا چیف میڈیا کوآرڈی نیٹر نذیر ڈھوکی نا کزیت آ است ہسونی نا درشانی ءِ کرے و پدسلوک خاہوت تون ہڑزخواہی و ہمدردی نا درشانی ءِ ہم کرے۔ اوپارے کہ پاکستان پیپلزپارٹی اسہ نظریاتی کارندہ ونن جیالہ اسہ ثابت گام سیاسی سنگت اسے آن محروم مسن، نذیر ڈھوکی ایماندار نا پیپلزپارٹی کن خذمت آتے است آن دننگ مفک، او ایماندار، شہید گودی بینظیر بھٹو و صدر آصف علی زرداری نا پت انا قابل سیاسی کارندہ غاتیان ئس، جور وآمریت نا دور اٹی ایماندار نذیر ڈھوکی زندان و سزاتے سگاولے سیاسی نظریہ غان پدی متو و ایماندار نا پارٹی کن بھلو لگن ، خذمت و ثابت گامی ءِ مدام یات تخنگک و دعاکینہ کہ اللہ تعالیٰ نذیر ڈھوکی ایماندار ءِ جنت الفردوس اٹی بڑزکو ہند اس و خاہوت ءِ صبر وجمیل عطاکے۔
