اسلام آباد۔14جولائی (اے پی پی): وزیر تہی کار محسن نقوی ءَ گوشتگ کہ عراق ءَ زیارت ءِ واستہ روکیں پاکستانی زیات کنوک آں چہ گیر کانودی رنگ ءَ گیش فیس گرگ ءَ گوں دست مانجنیں ٹریول ایجنٹس آنی ھلاپ ءَ یک ھپتگے ءِ اندر ءَ کاروائی کنگ ءِ کار دل یکیمی جوڑ کنگ بہ بیت، ھمک سال پاکستانی زیارت ءِ واستہ عراق ءَ رونت، محرم ءُ صفر ءِ ماہ ءَ زیارت کنوک بازیں سکی آں گوں آماچ بنت۔ مئے کوشست انت کہ زیارت کنو ک آناں ھرچ رنگیں آسراتی پجاری کنگ بہ بیت۔ عراقی حکومت ءِ نیمگ ءَ چہ زیارت کنوکیں مردم آناں بگیر فیس انٹری ویزا ءِ اجازت رسگ ءِ پد ءَ زیارت کنوک آناں باز آسراتی رسیت۔ اے ھیالانی درشانی آئی ءَ وزارت تہی کار ءَ عراق ءِ سفیر حامد عباس لفتہ ءَ گوں گند ءُ نند ءَ کت۔ اے موہ ءَ بنجاھی وزیر اوورسیز پاکستانی ءُ نیک راھی کار چوہدری سالک حسین ھم ساڑی ات۔ وزارت ءِ تہی کار ءِ آیگ ءِ پد ءَ وزیر ءِ تہی کار محسن نقوی اوورسیز پاکستانی ءُ نیک راھی کار چوہدری سالک حسین ءَ عراقی سفیر ءَ را وش اتک کت۔
