اسلام آباد۔14جولائی (اے پی پی): مزن وزیر محمد شہباز شریف ءَ نیلم – جہلم ہائیڈرو پاور پراجیکٹ ءَ دوارگ برجا کنگ ءِ ھوالگ ءَ زوتیں کمیٹی جوڑ کنگ ءُ اے ارزشتی ایں پراجیکٹ ءَ کرپشن ءُ ھرابی آنی زمہ وار آنی ٹک ءُ نشان کنگ ءُ ایشانی ھلاپ ءَ ترندیں کاروائی کنگ ءِ پنت ءُ شون کتگ۔ مزن وزیر کارگس ءِ میڈیا ونگ ءِ رد ءَ جاڑی بوتگیں پریس ریلیز ءِ رد ءَ یک شمبے ءَ مزن وزیر محمد شہباز شریف ءِ سروکی ءَ نیلم – جہلم ہائیڈرو پاور پراجیکٹ ءِھوالگ ءَ ارزشتی ایں دیوا ءِ برجم بوت دیوان ءِ نیلم – جہلم ہائیڈرو پاور پراجیکٹ ءَ پیداک بوھوکیں استیں ھرابی آنی پٹ ءُ پول کنوکیں کمیٹی ءِ سروک پیسریگیں بنجاھی سیکرٹری تہی کار شاہد خان ءِ نیمگ ءَ چہ بنداتی ر پوٹ پیش کنگ بوتگ۔ مزن وزیر ءَ را بریفنگ ءَ گوشگ بوت کہ نیلم جہلم ہائیڈرو پراجیکٹ ءِ راستیں ءُ چپئیں ہیڈریس ٹنل ءَ 29 اپریل 2024 ءَ آپ شان ءَ کمی ءِ سبب ءَ توان ءِ پیداوار ءَ کمی بوتگ ءُ 2 مئی 2024 ءَ پاور پلانٹ ءَ چہ توان پیداوار سرجم بند بوتگ، منصوبگ ءِ بندش ءَ چہ راجی ھزانگ ءَ را کڑوڑانی کلدار ءِ تاوان بوھگ ءَ انت۔ ھما جاگہ ءَ ھرابی پیدساک بوتگ اے راک برسٹ زون اِنت۔ بریفنگ ءَ پی ٹی آئی دور حکومت ءِ ساھت ءَ سال 2021 ءَ ھم ہیڈریس ٹنل ءَ فشار ءَ کمک ءِ سبب ءَ منصوبگ ءَ چہ توان ءِ پیداوار ءَ جوانیں کمی گندگ بوتگ۔ اے گپ ءَ را اچ کس ءَ را رپوٹ کنگ نہ بوتگ۔ ءُ جیڈھ ءَ پا زانت چیر دیگ بوتگ، پی ٹی آئی دور حکومت ءِ ساھت ءَ 2021 ءَ نیلم- جہلم ہائیڈرو پاور پراجیکٹ ءَ بوتگ ھرابی ءِ ھوالگ ءَ چہ مرمت ءِ اچ کار کنگ نہ بوتگ ایشی ءَ چہ توان ءِ تہءَ گیشی بوتگ۔ اے یک کرپشن ءِ بوتگ ۔ نیلم – جہلم ہاوئیڈرو پاور پراجیکٹ ءَ 2021 پیداک بوھوکیں ھرابی ءَ چہ پٹ ءُ پولی رپوٹ بھر جوڑ کنگ بوھگ ءَ انت۔ مزن وزیر ءَ را گوشگ بوت کہ سال 2022 ءَ منصوبگ ءِ ٹیل ریس ٹنل ءَ ھرابی ءِ سبب ءَ چہ توان ءِ پیداوار مھتل بوتگ۔ نیلم – جہلم ہائیڈرو پاور پراجیکٹ ءِ جوڑیشت ءِ ھوالگ ءَ جیوفزیکل ءُ سیسمک ءِ چیز آناں ڈلگچار کنگ بوتگ۔ ہیڈریس ٹنل ءَ الکاپیں کنکریٹ لائننگ کنگ نہ بوتگ۔ منصوبگ ءَ را وھد ءُ موہ ءِ سر ءَ تھرڈ پارٹی ویلیڈیشن کنائینگ نہ بوتگ۔ اے موہ ءَ مزن وزیر نیلم- جہلم ہائیڈرو پاور پراجیکٹ ءِ استیں بندش ءِ ھوالگ ءَ پٹ ءُ پولی رپوٹ زوت سرجم کنگ ءِ پنت ءُ شو ن کنان ءَ پراجیکٹ ءَ پیداک بوھوکیں ھرابی آنی ھوالگ ءَ زمہ وار آناں در گیجگ ءُ ایشانی ھلاپ ترندیں کاروائی کنکگ ءِ پنت ءُ شون ھم کت۔ دیوان ءَ بنجاھی وزیر اقتصادی کار احد خان چیمہ ، بنجاھی وزیر اھوالکاری ءُ شنگ کاری عطا اللہ تارڑ، بنجاھی وزیر پاور اویس احمد خان لغاری، بنجاھی وزیر پیٹرولیم مصدق ملک، ڈپٹی چیئرمین پلاننگ کمیشن جہانذیب خان، مزن وزیر ءِ کوآرڈینیٹر رانا احسان افضل ، چیئرمین واپڈا لیفٹیننٹ جنرل ریٹائرڈ سجاد غنی، پیسریگیں بنجاھی سیکرٹری تہی کار شہد خان ءُ ایندگر سیادی داروکیں سرکاری کارندہ ءُ اپسرگ آں بھر زوری کت۔
