اسلام آباد۔13جولائی (اے پی پی): مزن وزیر محمد شہباز شریف ءَ پاکستان ءُ میاں اوستمانی مالیاتی فنڈ ءِ نیام ءَ اسٹاف لیول منوگری آنی ھوالگ ءَ دل یکیمی ءِ درشان کنان ءَ گوشتگ کہ نوکیں وام پروگرام پاکستان ءَ معاشی برجائی ءِ سبب جوڑ بنت، وام آں چہ رکھگ ءُ معاشی وشھالی ءِ دور زوت کئیت۔ پاکستان ءَ را سکیں معاشی جاو ر ھال آں چہ در کنگ ءِ وستہ آئی ایم ایف منوگری ارزشتی سہرا بنت۔ شمبے ءِ روچ ءَ مزن وزیر کارگس میڈیا ونگ ءِ نیمگ ءَ جا ڑی بوتگیں بیان ءِ رد ءَ آئی ایم ایف ءَ پاکستان ءِ گوما 37 ماہ ءِ وام پروگرام آنی ھوالگ ءَ منوک بوھگ ءِ درشان کتگ۔ ایشی ءِ چیر دستی ءَ پاکستان ءَ را 7 ارب امریکی ڈالر رس ائیت، مزن وزیر ءَ گوشت کہ پاکستان ءِ معاشی رکھینگ ءِ واستہ سکیں ءُ گرانیں پیسلہ کتگ، سکیں فیصلہ آنی برورد معاشی برجائی ءِ رد ءَ دیم ءَ سہرا بوھگ ءَ انت۔ پاکستان ءَ را سکیں معاشی جاور ھال آں چہ در کنگ ءِ واستہ آئی ایم ایف منوگری ارزشتی سہرا بنت۔ مزن وزیر ءَ گوشت کہ سکیں ساھت ءَ ھمبراہ داری کنگ ءِ پد ءَ آئی ایم ایف ءِ شگر ءُ منت وار آں ۔
