اسلام آباد۔13جولائی (اے پی پی): مزن وزیر محمد شہبا زشریف ءَ گوشت کہ ایف بی آر ملکی معیشت ءَ را سرین ءِ ہڈ ءِ بستار ءَ دار ائیت، ایف بی آر ءِ آٹومیشن ءُ ڈیجیٹیلائزیشن حکومت ءِ اولی ترجی انت، مزن وزیر کارگس ءِ میڈیا ونگ ءَ چہ جاڑی بوتگیں بیان ءِ رد ءَ مزن وزیر ءَ شمبے ءِ روچ فیڈرل بورڈ آف ریونیو ءِ ہیڈکوار ٹر ءِ تر ءُ تاب کت۔ بنجاھی وزیر ھزانگ گپت ءُ گیر محمد اورنگزیب ، وزیر ءِ مملکت برائے ھزانگ گپت ءُ گیر علی پرویز ملک ءُ چیئرمین فیڈرل بورڈ آف ریونیو ملک امجد زبیر ٹوانہ ءَ مزن وزیر ءَ را وش اتک کت۔ مزن وزیر ءَ ایف بی آر ءَ شہید آنی قبر ءِ سلر ءَ پاتیہ وانی کت۔ اے موہ ءَ مزن وزیر ءَ گوشت کہ ایف بی آر ملکی معیشت ءَ سرین ءِ ھڈ ءِ بستا ر ءَ دسار ائیت۔ ایف بی آر ءِ آٹو میشن ءُ ڈیجیٹائزیشن حکومت ءِ اولی سرئی ترجی انت۔ مزن وزیر ءَ ویب بیسڈ ون کسٹمز سسٹم ءَ را نوکیں زمانگ ءِ رد ءَ کنگ ءِ واستہ زوتیں رد ءَ 2 ارب کلدار جاڑی کنگ ءِ پنت ءُ شون کت۔ مزن وزیر ءَ ایف بی آر ءَ جاڑیگیں گہتری کار آنی ھوالگ ءَ بریفنگ دات۔ بریفنگ ءَ بنجاھی وزیر اقتصادی کار احد خان چیمہ ، بنجاھی وزیر ھزانگ ءُ گہتری کار محمد اورنگزیب ، بنجاھی وزیر کانود ءپ انصاف اعظم نذیر احمد تارڑ، وزیر ءِ مملکت برائے ھزانگ ءُ گہتری کار علی پرویز ملک، ڈپٹی چیئرمین پلاننگ کمیشن جہانزیب خان ، چیئرمین ایف بی آر ملک امجد زبیر ٹوانہ ، ایف بی آر ءُ ایندگر سیادی داروکیں ادارگ ءُ اپسرگ آں بھر زوری کت۔
