اسلام آباد۔12جولائی (اے پی پی):پاکستان ءُ آزربائیجان ءَ ھاٹیگ، تجارت ، روگ ءُ آیگ ، دیمپانی ءُ الس ءَ گوں الس ءَ چہ روگ ءُ آیگ ءِشوبگ آں ھوار وت مہ وتی سوبمندی ءُ کمک آناں گیش شاھیگانی دیگ ءِجزم ءِ درشان کتگ۔ اے جزم ءِ درشان آدینگ ءِ روچ ءَ ایوان ءِ صدر ءَ صدر مملکت آصف علوی زرداری ءُ پاکستان ءِ تر ءُ تاب ءَ آیوکیں آزربائیجان ءِ صدر الہام علیوف ءِ نیام ءَ گند ءُ نند ءَ کنگ بوت انت۔ ایوان ء، صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ ملک ءِ مستر ءَ آزربائیجان ءِ صدر ءَ را وش اتک کت ءُ گوشت کہ دوئیں ملک آنی نیام ءَ جوانیں یکوئی است انت ءُ وت مہ وتی واھگی کار آنی جتا جتائیں شوبگ آنی تہءَ گیش گہتری جوڑ کنگ ءِ دراج بریں گنجاشک است انت۔ آئی ءَ گوشت کہ دو نیمگی یکوئی آناں گیش برجم کنگ ءِ واستہ پاکستان ءُ آزربائیجان ءِ الس ءُ تاجر آنی نیام ءَ گیش روگ ءُ آیگ ءِ ضلورت ءِ بابت ءَ زور پر دات۔ آئی ءَ گوادر دکہ ءِ ارزشت ءَ را سہرا کنان ءَ گوشتگ کہ نیامی ایشیائی ملک ءُ آزربائیجان ایشی ءَ چہ دمگی تجارت، رابطہ ءُ سیل ءُ سواد آناں دیمروئی دیگ ءَ ابید پڑ ءَ یکجائی اقتصادی وشھالی آیگ ءِ واستہ گیشاں چہ گیش سیت چست کت کنت۔ صدر ءَ پاکستان ءُ آزربائیجان ءِ نیام ءَ تپاکہ نام آنی سر ءَ دست چنگل ءَ را وش اتک کت۔ آئیءَ تپاکہ نامہ آنی تہ ءَتجارت، سیل ءُ سوادن ، اشکر ءَ چات آنی تہءَ کا ر کنگ، معدنیات، سائنس ءُ ٹیکنالوجی ، دود ءُ ربیدگ، کانود ءُانصاف ءِ شوبگ ءَ دو نیمگی یکوئی آ ناں نوکیں جنز ءِ رسیت۔ صدر آصف علی زرداری ءَ گوشت کہ رودراتکی ملک آنی اندر ءَ دگنیاءَ را وش ھالی ءِ نیمگ ءَ جنزینگ ءِ ازم است انت۔ اے موہءَ آزربائیجان ءِ صدر الہام علیوف ءَ گوشت کہ پاکستان ءُ آزربائیجان ءِنیام ءَ جوانیں السی رابطہ است انت، دوئیں ملک آناں اقتصادی یکوئی آناں ودینگ ءِواستہ کاروباری یکوئی آناں دیمروئی دیگ لوٹ ائیت۔ الہام علیوف ءَ گوشت کہ پاکستان ءُ آزربائیجان ھاٹیگ ءِ شوبگ ءَ یکجائی ءَکار کنگ ءِ اوست ءُامیت شوہاز کت کنت۔ ایشی ءَ ابید صدر ءَ ایوان ءِ صدر ءَ صدر الہام علیوف ءُ آئی ءِڈلءِ شرپ ءَ سبارگ ءِ نان دات۔ سبارگ ءِ نام ءَ مزن وزیر محمد شہباز شریف ، بنجاھی وزیر ، پارلیمنٹ ءِباسک ، سفارتکار ءُ اھولکار آنی مزنیں کساسے ءَ بھر زوری کت۔
