اسلام آباد۔12جولائی (اے پی پی): مزن وزیر محمد شہباز شریف ءِ داتگیں دعوت ءِ پد ءَ آزربائیجان ءِ صدر الہام علیوف ءَ 11 ءَ بگر تاں 12 جولائی ءَ تاں پاکستان ءِ سرکاری تر ءُ تاب کت، صدر ءِ ڈل ءَ وزیر ءِدیمپانی ، دیمپانی صنعت، اقتصادیات، ڈیجیٹل ڈویلپمنٹ ءُ ٹرانسپورٹ ءُ نائب وزیر ءِ درئی کار ھوار اتنت۔ آدینگ ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ صدر عیلوف ءَ را مزن وزیر محمد شہباز شریف ءَ وش اتک کتگ۔ مزن وزیر کارگس ءَ پجگ ءِ پد ءَ آئی ءَ را گارڈ آف آنر پیش کنگ بوتگ۔ آزربائیجان ءِ صدر ءَ راجی یات گیر آنی سر ءَ پل آنی چادر پر دات۔ آزربائیجان ءِ صدر الہام علیوف ءَ صدر مملکت آصف علی زرداری ءُ مزن وزیر محمد شہباز شریف ءَ گوں گند ءُ نند کت۔ دوئیں پریک آں وت مہ وتی واھگی توامیں شوبگ ءُ دو نیمگی کمک آنی بابت ءَ ھیال ریچی کت ءُ دو نیمگی یکوئی ءِ توامیں کار رپک آنی تہءَ دو نیمگی کمک آناں گیش مھکم جوڑ کنگ ءِ واھشت ءِ درشانکت۔ مزن وزیر شہبا ز شریف ءُ صدر الہام علیوف ءَ پاکستان ءُ آزربائیجان ءِنیام ءَ سٹریٹیجک شریکداری ءِ جزم ءِ درشان کت۔ آئیءَدوئیں ملک آنی نیام ءَ نزیکیں سیکورٹی ءُدیمپانی کمک آنی ھوالگ ءَ دل یکیمی ءِدرشان کت ءُ پاکستان ، آزربائیجان ءُ ترکی ءِ نیام ءَ سئے پریکی سروک دیوان ءِ کار رپک آناںسئیں ملک آنی نیام ءَ یکوئی ءِیک نوکیں دور ءُ باریگ ءِ نامینت۔ بیان ءِ رد ءَ پریک آں دو نیمگی تجارت ءُ سرمایہ کاری آناں گیش ودینگ ءُ ھاٹیگ ، انفراسٹرکچر ، رابطہ ءُ دیمپانی صنعت ءِ شوبگ ءَ یکجائی سرمایہکاری ءِ منصوبگ تیار کنگ ءِ ھم سر ءَ تپاک کت۔ مزن وزیر ءَ منوگری ءُ پروٹوکولز آں ابید اول سرئی بنیات ءَ تجارتی منوگری ءُ ٹرانزٹ ٹریڈ ایگریمنٹ ءِ سرجمی ءَ چہ پد دوئیں ملک آں دو نیمگی تجارت ءَ را دیمروئی دیگ ءِ وتی ارادگ آنی درشان کت۔ آزربائیجان ءِ صدر ءَ کشمیر ءِجیڈھ ءِگیواری ءِھوالگ ءَ پاکستان ءِ گوما ھمبراہ داری ءِدرشان کت ءُ آئی ءَ گوشت کہ کشمیر ی آنی واھگ آنی رد ءَ آواناں وت واجئی ھک پجاری کنگ بہ بیت۔ یونائیٹڈ نیشن ءِ منوگری آنی رد ءَ کشمیری الس آناں آوانی وت واجئی پجاری بہ بیت۔ مزن وزیر محمد شہباز شریف ءُ صدر الہام علیوف ءَ پریک آنی نیام ءَ منوگری ءُ تپاک نامہ آنی سر ءَ دست چنگل جت۔ بیان ءِ رد ءَ قونصلر کار، پرائیویٹ ، راہداری ءُ اول سرئی بنیات ءَ تجارت، کانودی کمک، معدنی آسراتی، دود ءُربیدگی روگ ءُ آیگ ، انفارمیشن اینڈ کمیونیکیشن ٹیکنالوجی ، شنگ کاری، سائنسی ءُ تکنیکی کمک، سیل ءُ سواد ، بالی ازمت، جاڑیں شہر ءُ کسانیں ءُ نیامی درجگ ءِ انٹر پرائز ءِ دیمروئی ءِ شوبگ ءَ کمک آنی 15 منوگری ءُ تپاک نامہ آنی سر ءَدست چنگل جنگ بوتگ۔
