اسلام آباد۔ 12 جولائی (اے پی پی) صدر آزاد جموں وکشمیر بیرسٹر سلطان محمود چوہدری پارینے کہ 13 جولائی نادے ریاست جموں وکشمیر نامسلمان تا تحریک ءِ آجوئی ٹی تاریخ سازاہمیت اس تخک، 1931ء ٹی اینونادے کشمیری مسلمان ہراقربانی تے تسر اواینو ہم کشمیری تیکن کسرنا ڈیواءُ،، سرینگر سنٹرل جیل انا دنگ اٹ کلمہ گو و آجوئی نا متوالہ غاک تینا دترنا نذرانہ ءِ ترسا ہرا جہد آجوئی نا بنداوءِ تخاسر اواینو اسکان جاری و ساری ءِ۔ مقبوضہ کشمیر اٹی برجاتحریک ءِ کشمیریک تینا دتر اٹ زندہ تخانو۔ 13 جولائی یوم شہدائے کشمیر نا وخت آ تینا خصوصی کلہو اٹی صدر آزاد جموں وکشمیر بیرسٹر سلطان محمود چوہدری پارے کہ بیس کیمپ انا حکومت لائن آف کنٹرول نا دا پار رہینگوک آ تینا کشمیری ایلم تے اسہ وار ولدا باوری کرفک کہ مشکل نا ہرساہت اٹی تینا کشمیری ایلم تتون تفوک ءُ و اوفتے تینا جون نا بشخ تکرہ، تحریک ءِ آزادی کشمیر، کشمیری الس نا قربانی تا سوب آن اسہ پوسکن ءُ موڑاسے ٹی پترینگانے۔ اوپارے کہ کشمیری الس نا جوزہ حریت نا مون آ بھارت شیف توننگ آ بیوس مسنے و کوزہ گیر فوج اناحوصلہ پست مسنے، کشمیر نا ویل جہانی سلاہ عامہ ءِ تینا کنڈآ چکاری کرینے و دنیا کشمیر نا ویل انا ایسری ٹی بھاز است خواہی ہلنگ ءِ۔
