راولپنڈی۔ 12 جولائی (اے پی پی) اینٹی نارکوٹکس فورس (اے این ایف ) منشیات اسمگلنگ نا برخلاف 5 کارروائی تیٹی 27 کلوگرام منشیات دوئی کرسا 8 دوبہ دار ءِ دزگیرکرے۔ اے این ایف ہیڈکوارٹر راولپنڈی آن تدوک آ 24 گھنٹہ ٹی انسداد منشیات کارروائی تا سرجم حوال آتا رداٹ اسلام آباد اٹی کوریئر آفس اٹی آسٹریلیا غا گدریفوک آ پارسل آن 400 گرام آئس دوئی کننگا۔ راولپنڈی ٹی بس اسٹینڈ نا خڑک گاڈی اسے آن 20.4 کلوگرام چرس دوئی کننگا و 4 دوبہ دار آتے دزگیرکننگا۔ ایم ون موٹرووے اسلام آباد اٹی اِرا دوبہ دار آن 1 کلوگرام افیم و 2 کلوگرام ہیرون دوئی کننگا۔ سیالکوٹ اٹی ڈسکہ نا خڑک دوبہ دارآن 2.4 کلوگرام چرس دوئی کننگا۔ بندروڈ لاہور نا خڑک دوبہ دارآن 510 گرام آئس دوئی کننگا۔ ترجمان اے این ایف پارے کہ دزگیر دوبہ دار آتا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
