اسلام آباد۔11جولائی (اے پی پی): مزن وزیر محمد شہباز شریف ءُ آزربائیجان ءِ صدر لہام علییوف ءِ نیام ءَ ون آن ون گند ءُ نند ءَ جتا جتائیں شبوگ آنی تہءَ کمک آناں گیش دیمروئی دیگ ءِ ھوالگ ءَ تپاک کتگ ۔ پنچ شمبے ءِ روچ ءَ مزن وزیر کارگ ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر کارگس ءَ پجگ ءِ پد ءَ مزن وزیر شہباز شریف ءَ آزری صدر ءَ را وش اتک کت ءُ گوشت کہ ترا من پاکستان ءَ دیستگ گڈا بے کساس گل ءُ شات بوتگ آں۔ دوئیں ملک آنی یکوئی آنی تہ ءَگیشی گہتری ءِ واستہ تئی پاکستان ءِ تر ءُ تاب باز وشیں کلوہ ءُ گام ات۔ پاکستان ءُ آزربائیجان ءِ نیام ءَ یکوئی دوستی بازیں سالاں چہ کوھن اَنت۔ ایش وھد ءِ گوما گیش مھکم تر بوھان انت۔ مزن وزیر ءَ گوشت کہ پاکستان ءُ آزربائیجان ءِ نیام ءَ اقتصادی ، ھاٹیگ ، سیل ءُ سواد ءُ دود ءُ ربیدگ ، وانگ ءُ زانگی ، ٹیکنالوجی، جان سلامتی ءِ چار ءُ گزار ءُ ماحولیاتی کمک دوئیں ملک آنی الس آناں وت مہ وتی رابطہ ءَ ھوار وت مہو تی واھگ آنی توامیںشوبگ آنی تہءَ شریکداری ءَ را ودینگ بیت۔ مزن وزیر ءَ باکو ءَ 29 بیست ءُنہمی یونائیٹڈ نیشن کانفرنس آف پارٹیز آنی میزبانی رسگ ءِ پد ءَ آزربائیجان ءِ صدر ءَ را مبارک بات دات ءُ اے ھوالگ ءَ چہ پاکستان ءِ گیشاں چہ کمک ءِدل یکیمی کنائینت۔ گند ءُ نند ءَ دو نیمگی کار ءُ وت مہ وتی واھگی کار آنی بابت ءَ تران کنگ بوت۔ دوئیں سروک آں جتا جتائیں شوبگ آنی تہءَ کمک آناں گیش دیمروئی دیگ ءِ بابت ءَ تپاک کت۔ ایشی ءَ ابید دوئیں سروک آں دوئیں ملک آنی نیام ءَ ڈلی تک ءَ گند ءُ نند ھم بوت۔ ایشی ءَ ابید منوگری ءُ تپاک نامہ آنی سر ءَ دست چنگل ھم جنگ بوت۔ یکجائی پریس کانفرنس ءِ بست ءُبند کنگ بوت ءُ آئی ءِ اندر ءَ میڈیا ءَ گوں آواں تران کت۔ آزربائیجان ءِ سروک ءَ مقبوضہ کشمیر ءِ ھوالگ ءَ پاکستان ءِ لیکہ ءَ را من ات ءُ گوشت کہ کشمیر ءِ جیڈھ ءَ را یونائیٹڈ نیشن ءِ منوگری آنی رد ءَ کشمیری مردم آنی واھگ آنی رد ءَ گیوار کنگ بہ بیت۔ آئی ءَ گوشت کہ بنداتی رد ءَآزربائیجان پاکستان ءَ جتا جتائیں شوبگ آنی تہءَ 2 ارب ڈالر ءِ سرمایہ کاری کنت۔ آئیءَ گوشت کہ آزربائیجان اسلام آباد ءِ شوک ءُ سمبھینگ ءُ شر رنگی ءِتہءَگیشی ءِ واستہ کمک آناں گیش کنت۔ دوئیں نیمگ ءَ باکو ءُ پاکستان ءِ نیام ءَ بالی گراب آنی تہءَ گیشی ءِ ھوالگءَ تپاک کنگ بوت۔ ایشیءَ ابید دوئیں ملک آں اسٹریٹیجک شریکداری ءَ را گیش مھکم کنگ ءِ ھوالگ ءَ زور پر دات۔ مزن وزیر ءَ آزربائیجان ءَ پاکستانی دان /کنگ آنی سر ءَ ڈیوٹی فری برآمد کنگ ءِ پیسلہ ءِ پد ءَ آزربائیجان ءِ صدر ءِ شگر ءُمنت واری گپت۔
