اسلام آباد۔11جولائی (اے پی پی): بنجاھی وزیر منصوبگ بندی ءُ دیمروئی کار احسن اقبال چائنہ انٹرنیشنل دویلپمنٹ کوآپریشن ایجنسی سڈکا ءِ چیر دستیءَ برجم بوھوکیں دیمروئی ءِ ھوالگ ءَ مزن تکی کانفرنس ءَ بھر زوری ءِ واستہ بیجنگ ءَ پج اتگ۔ بنجاھی وزیر بیجنگ ءَ پجگ ءِ پد ءَ وتی ھاسیں کلوہءَ گوشتگ کہ چین ءِ صدر شی جن پنگ ءَ میاں اوستمانی دیمروئی کار رپک جوڑ کنگ ءَ گام جتگ، ایشی ءِ مول ءُ مراد ایش انت کہ دگنیا ءِ ملک چاگردی ءُ اقتصادی دیمروئی ءِ واستہ یک ءِ دومیگ ءِ گوما شریکداری بکن اَنت۔ اے کانفرنس ءَ دگنیا ءِ ایندگر ٹوھیں کارندہ ءُ وزیر آنیگوما وتی تجروبت آنی ھوالگ ءَ ھیال ریچی کنگ ءِ موہ پجاری بیت۔ ایشی ءِ گوما مزن وزیر پاکستان ءِ چین ءِ تر ءُ تاب ءِ ساھت ءَ منوگر کتگیں پیسلہ آنی پد ءُ رند ءِ واستہ چینی کارندہ آنی گوما گپ ءُ تران ھم بیت۔ سی پیک ءِ دومی فیز ایشرا چین ءَ وت “اپ گریڈڈ” فیز گوشتگ، ایشی ءِ چیر دستیءَ امیت ائیگ آں کہ دیمروئی ءِ یک نوکیں دور ءُ باریگ ءِ بندات کناں۔
