اسلام آباد۔11جولائی (اے پی پی): ملک ءِمستر آصف علی زرداری ءِگوما سر وزیر بلوچستان سرفراز بگٹی ءَ گند ءُ نند کت، اے ساھت ءَ ملک ءِ مستر آصف علی زرداری ءَ گوشت کہ آپ ءِضلورت آناں پیلو کنگ، کشت ءُ کشار ءِ پڑ ءَ را دیمروئی دیگ ءُ وردن ءُ وراک ءِ رکھینگ ءِ واستہ بنجاھی حکومت ءِ کمک ءُ کچھی کینال ءِ زوتاں زوت سرجمی المی انت۔ سر وزیر ءَ گوشت کہ صوبائی حکومت بلوچستان ءِ دیمروئی ءُ السی وشھالی ءِ واستہ جوانیں گامگیج چست کنگ بوتگ۔ ایوان ءِ صدر ءِ پریس ونگ ءِ رد ءَ صدر ملکت ءَآصف علی زرداری، سر وزیر بلوچستان میر سرفراز بگٹی ءَ گوں تران کنان ءَ کتگ انت۔ آئیءَ پنچ شمبے ءِ روچ ءَ ایوان ءِ صدر ءَ آئیءَ گوں گند ءُ نند کتگ۔ سر وزیر بلوچستان ءَ ملک ءِ مستر ءَ را صوبگ ءِھواریں جاو ر ھال آنی ھوالگ ءَ سرپد کت۔ سر وزیر ءَ ملک ءِ مستر ءَ را السی گہبودی ءِ واستہ صوبگ ءَ جاڑیگیں دیمروئی منصوبگ آنی ھوالگ ءَ بریفنگ دات۔ صدر مملکت ءَ صوبگ ءَ جاڑیگیں منصوبگ ءُ ایمنی ءِ واستہ صوبائی حکومت ءِ گامگیج آنی ھوالگ ءَدل یکیمی ءِ درشان کت۔
