اسلام آباد۔ 11 جولائی (اے پی پی) چیئرمین سینیٹ سید یوسف رضاگیلانی قومی اسمبلی نا باسک/سیکرٹری وویمن پارلیمنٹری کاکس ڈاکٹر شاہدہ رحمانی نا لمہ نا کزیت آ ہڑزخواہی نا درشانی ءِ کرسا ڈکھیائی و است ہسونی نا درشانی ءِ کرینے۔ پنچ شنبے نادے آ اسہ ہڑزخواہی کلہو اسے ٹی اوپارے کہ ایماندار نا کزیت پدسلوک خاہوت کن بے بدل ءُ نسخان و بھلو صدمہ اسے، غم و ڈکھیائی نا ساہت اٹی شاہدہ رحمانی و اونا خاہوت نا غم و ڈکھیائی ٹی بریبرنا شریک اُن۔ چیئرمین سینیٹ ایماندار نا درجہ غاتا بڑزی وپدسلوک خاہوت ءِ صبر وجمیل عطاکننگ نا دعاکرے۔ ڈپٹی چیئرمین سینیٹ سیدال خان ، قائد ایوان سینیٹ سینیٹر اسحاق ڈار، قائد حزب اختلاف سینیٹر شبلی فراز ئسک ہم تینا جتا کلہو آتیٹی قومی اسمبلی نا باسک/سیکرٹری وویمن پارلیمنٹری کاکس ڈاکٹر شاہدہ رحمانی نا لمہ نا کزیت آ ہڑزخواہی نا درشانی ءِ کرسا ڈکھیائی و است ہسونی نا درشانی ءِ کرینو ۔
