اسلام آباد۔ 11 جولائی (اے پی پی) آذربائیجان نا صدر الہام علیوف پاکستان نا اِرادے ئی دورہ غا اسلام آباد آ سرمس۔ نور خان ایئربیس آ وزیراعظم محمد شہباز شریف اودے جم وجوش اٹ بخیرکرے۔ ہڑتوم آ راہشونک خمب ہلکرو گرم جوشی اٹ جوڑ بڑکریر۔ روایتی لویس ٹی ملبوس اِراچناآذربائیجان نا صدر ءِ پھل پیش کریر۔ داوخت آ وزیرداخلہ محسن نقوی و بنجائی وزیر حوالکاری و شینکاری عطاء اللہ تارڑ ئسک ہم ساڑی ئسر۔ صدر الہام علیوف ءِ توپ آتا سلامی ہم تننگا۔ آذربائیجان نا صدر وزیراعظم محمد شہباز شریف نا خصوصی سلہ غا پاکستان نا دورہ ءِ کننگ اٹی ءِ۔ او دورہ ٹی صدر مملکت آصف علی زرداری و وزیراعظم محمد شہباز شریف تون اوڑدہی کیک۔ ہڑتوم آملک آتا نیام اٹ چندی معاہدہ و مفاہمت نا یات داشت آتیا ہم دستخط کننگک۔

متعلقہ مضامینمصنف کی طرف سے مزید