کوئٹہ۔ 11 جولائی (اے پی پی) صوبائی وزیر خزانہ و مائنز اینڈ منرلز میر شعیب نوشیروانی پارینے کہ میر سرفراز خان بگٹی نا کماشی ٹی ادبی و دودوربیدہ ئی گام گیج آتا است بڈی ءِ کننگک، بلوچستان اکیڈمی نا گرانٹ ناکٹوتی نا اول سرآن جاچ ءِ ہلنگک۔ داخیال آتا درشانی ءِ او بلوچستان اکیڈمی تربت نا چیئرمین ڈاکٹر غفور شاد نا کماشی ٹی بلوچستان اکیڈمی نا اسہ ڈل اسے تون گپ وتران کرساکرے۔ ڈل اوڑدہی ٹی بلوچستان اکیڈمی نا گرانٹ نا کٹوتی آ گڑتی آن معلومدار کرسا چیئرمین حکومت آن گرانٹ نا بحالی نا خواست کرے۔ صوبائی وزیر خزانہ پارے کہ میر سرفراز خان بگٹی نا کماشی ٹی صوبائی حکومت وخت اس ہم ادبی و دودوربیدہ ئی ادارہ غاتا برخلاف کارروائی کپک۔ اوپارےے کہ ہرا ادبی و دودوربیدہ ئی ادارہ غاک صوبہ ناتاریخ و ادب نا مون آ دننگ اٹ لگوک ءُ اوفتا مالی کمکاری ءِ کننگک وبلوچستان نا حکومت داوڑنا گام گیج آتا است بڈی ءِ کیک کہ ہراڑآن صوبہ ٹی علم و ادب ءِ مون آدننگ دوئی مرے۔ میر شعیب خان نوشیروانی ڈاکٹر غفور شاد نا کماشی ٹی ڈل ءِ باوری کرفے کہ گرانٹ نا کٹوتی نا اول سرآن جاچ ءِ ہلنگک و داوڑناغٹ ادارہ ہرا زبان و ادب نا مون آ دننگ اٹ لگوک ءُ وہرافتا کارکڑد است جم ءِ اوفتا گرانٹ ءِ بحال کننگک۔
