اسلام آباد۔ 11 جولائی (اے پی پی) اسپیکر قومی اسمبلی سردار ایاز صادق و ڈپٹی اسپیکر سید مصطفیٰ شاہ قومی اسمبلی نا باسک شاہدہ رحمانی نا لمہ نا کزیت آ ہڑزخواہی نا درشانی ءِ کرینے۔ قومی اسمبلی سیکرٹریٹ آن جاری بیان نا رداٹ اسپیکر قومی اسمبلی سردار ایاز صادق قومی اسمبلی نا باسک و سیکرٹری وویمن پارلیمنٹری کاکس ڈاکٹر شاہدہ رحمانی نا لمہ نا کزیت آ ڈکھیائی و است ہسونی نا درشانی ءِ کرینے۔ اوڈاکٹر شاہدہ رحمانی و اونا خاہوت تون ہڑزخواہی نا درشانی ءِ کرینے۔ اوپارے کہ ایماندار نا کزیت پدسلوک خاہوت آتیکن بے بدل نسخان و بھلو صدمہ اسے۔ غم و ڈکھیائی نا ساہت اٹی گودی شاہدہ رحمانی و اونا خاہوت نا غم و ڈکھیائی ٹی بریبرناشریک اُٹ۔ اوایماندار نا درجہ غاتا بڑزی و پدسلوک خاہوت ءِ صبر و جمیل عطاکننگ نا دعا۔ ڈپٹی اسپیکر قومی اسمبلی سید مصطفیٰ شاہ ڈاکٹر شاہدہ رحمانی نا لمہ نا کزیت آ ڈکھیائی و است ہسونی نا درشانی ءِ کرینے۔ اواللہ تعالیٰ آن ایماندار ءِ جنت الفردوس اٹی بڑزکو ہند و غمزدہ خاہوت ءِ صبر وجمیل عطاکننگ نا دعاکرے۔
