لاہور۔ 11 جولائی (اے پی پی) لاہور ہائیکورٹ نا جسٹس عالیہ نیلم پنچ شنبے نادے آ چیف جسٹس لاہور ہائیکورٹ نا عہدہ نا سوغند ہرفے۔ جسٹس عالیہ نیلم لاہور ہائیکورٹ نا 53 می چیف جسٹس ءِ، اودے لاہور ہائیکورٹ نا اولیکو زالبول چیف جسٹس جوڑ مننگ نا اعزاز ہم دوئی مسنے۔ گورنر پنجاب سردار سلیم حیدرخان جسٹس عالیہ نیلم آن چیف جسٹس لاہور ہائیکورٹ نا عہدہ نا سوغند ہلک۔ سوغندی دود گورنر ہاؤس لاہور اٹی اڈ ہلک ہراٹی وزیراعلیٰ پنجاب مریم نواز، بنجائی وزیر کانود سینیٹر اعظم نذیر تارڑ ،لاہور ہائیکورٹ نا پرنسپل سیٹ آ ساڑی جسٹس علی باقر نجفی، جسٹس عابد عزیز شیخ، جسٹس سید شہباز رضوی، جسٹس شہرام سرور و ایلو جج و جوڈیشل آفیسر، صوبائی وزیر ، اسپیکر پنجاب اسمبلی، ایڈووکیٹ جنرل پنجاب، سینئر سول و پولیس کمامدار آتون اوار سینئر وکیل آک بشخ ہلکر۔
