اسلام آباد۔10جولائی (اے پی پی): مزن وزیر محمد شہباز شریف ءَ پشاور ءِ دمگ حسن خیل ءَکامیاتیں انٹیلی جنس بیسڈ آپریشن ءِ پد ءَ ناشرکار کمانڈر عبدالرحیم ءَ ھوار ناشرکار آناں جہندم ءَ روان دیگ ءِ پد ءَ پاک فوج ءُ خیبر پختونخوا ءِ کاونٹر ٹیررازم ڈیپارٹمنٹ ءِ ورنا آناں توسیپ ءُ ستا پیش کتگ۔ چار شمب ءِروچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ ناشرکار آنی گوما گوں دلیری ءَ مقابلہ کنان ءَ جام شہادت نوش کنوکیں ورنا آناں توسیپ ءُ ستا پیش کتگ۔ مزن وزیر ءَ آپریشن ءِ ساھت ءَ شہید بوھوکیں پاک فوج ءِ سپاہی محمد ادریس، سپاہی بادام گل، کاؤنٹر ٹیررازم ڈیپارٹمنٹ کے پی کے س انسپکٹر تاج میر شاہ ءُ اسٹنٹ سب انسپکٹر محمد اکرم ءِ درجگ آنی برز ءُ بلندی ءِ واستہ دعا ءِ نیک کت۔ مزن وزیر ءَ شہید آنی ھاندان ءَ گوں دلپدردی ءِ درشان ءَ کنان ءَ گوشتگ کہ پاک سر ڈگار ءِ دلیریں باھند آں وتی جان ماتیں سر ڈگار ءِ واستہ کربان کتگ ءُ ناشرکار آناں جہندم ءَ روان داتگ۔ سرجمیں راج شہید آنی بے کساس قربانی آناں سلام پیش کنت۔ مزن وزیر ءَ گوشتگ کہ ناشرکاری ءَ را سرجمیں رنگ ءَ چہ بن چلوک ءَ ھلاس کنگ ءِ واستہ جزمیگ آں۔
