اسلام آباد۔ 10 جولائی (اے پی پی) وزیراعظم نا کوآرڈینیٹر قومی جان جوڑی ڈاکٹر مختار احمد بھرتھ پارینے کہ پاکستان نا شاری تے پوسکن آ درمان نا آسراتی تا فراوانی ننا اولیت ءِ۔ پمز ہسپتال اٹی فالج نا گمانی ناجوڑ آتیکن سٹروک سینٹر نا جوڑ کننگ اسہ اہم ءُ پیش رفت اسے۔ چارشنبے نادے آ وزارت جان جوڑی آن جاری بیان نا رداٹ ڈاکٹر مختار احمد بھرتھ پارے کہ پاکستان انسٹیٹیوٹ آف میڈیکل ہیلتھ سائنسز(پمز) ہسپتال نا شعبہ امراض قلب اٹی فالج نا درمان کن سٹروک سینٹراس جوڑ کننگ ءِ۔ اوپارے کہ کارڈیک سینٹر اٹی جوڑ سٹروک مینجمنٹ یونٹ گمانی فالج نا ناجوڑ آتا مدامی معذوری آن بچفنگ کن سودمندجوڑ مریک۔ ڈاکٹر مختار احمد بھرتھ پارے کہ است انا وال تا بدلی، ملٹراکلپ پروسیجر و است انا شریان تا سرجری آن سٹروک نا توننگ ءِ پک کننگک۔ سٹروک سینٹر نا جوڑ کننگ آ کم وود 2591ملین روپئی نا پی سی ون منظور مسنے۔ دا ڈٹ شش آن ہشت تُو نا مد اٹی پورو مریک۔ اوپارے کہ حکومت است انا ناجوڑ و برین ہیمرج آن فالج ناگواچی ناجوڑ آتا درمان کن غٹ المی وسیلہ غاتے کاریم اٹ اتنگ ءِ۔ پوسکن آ ازباب آتا درآمد و بے کچ ماہر ڈاکٹر و ٹیکنیکل سٹاف نا دستیابی ءِ پک کننگک۔ جان جوڑی نا بشخ اٹی نئے بیرہ اسلام آباد بلکن مچ آملک اکن نمان پیش رفت اسے۔ پوسکن و آب اٹ آسراتی تیان بے پرخ غٹ شاریک فائدہ ہرفرہ۔ ڈاکٹر مختار احمد بھرتھ پارے کہ دارالحکومت اسلام آباد و ملک اٹی جان جوڑی نا دیکھ بھال نا گیشتر آسراتی تیٹی قابل ذکر پیش رفت ءِ۔
