لاہور۔9جولائی (اے پی پی):صدر آصف علی زرداری ءَ ملک ءَ را دیمروئی ءِ کشت ءَ رھادگ کنگ ءِ واستہ ٹوھیں لیکہ ءُ بلدکاریں مالیاتی پالیشی آناں وتی کنگ ءِضلورت ءِبابت ءَ زور پر دیان ءَ گوشتگکہ معیشت ءِ جتا جتائیں شوبگ، ھاسیں رنگ ءَ کشت ءُ کشاری شوبگ ءَ را نوکیں دور ءُ باریگ ءِ رد ءَ ٹیکنالوجی آنی کارمرزی وھد ءِ لوٹ انت۔ آ سئے شمبے ءَ اداسر پروفیسر وارث میر میموریل سیمینار ءَ گوں گشتانک دیان ءَ کت۔ اے موہ ءَ اھوالکار ، کلانہایں زانوگر ، سیاسی باسک ءُ سول سوسائٹی ءِ باسک آنی مزنیں کساس ءِ ساڑی ات۔ صدر مملکت ءَ گوشت کہ میڈیا ءَ مردم آنی گوانک ءَ را برز ءُ بلند کنگ ءِ ھاٹیگ داتگ۔ پدا ھم استیں وھد ءَ میڈیا ءَ گروپ بندی ھم گندگ بوتگ۔ آئیءَ گوشت کہ ھبردار کت کہ دگنیا ءَ یک مھکمیں نیک راھی لابی یے مسلم چاگرد آناں بھر بھر کنگ ءِ واستہ لیکہ آنی اندر ءَ لہڈ جنی ءُ نیگیٹو رپک آناں پیش کنگ ءَ انت۔ آئیءَ گوشت کہ آ زاتی ءَ گوں اھوالکاری کنگ ءِ منوک انت۔ ءُ آئیءَ مدام میڈیا ءِ ترندیں ایراد آناں سگ ءُ اوپار کتگ۔ آئیءَ گوشت کہ چاگرد آناں ایجنڈا آنی رد ءَ نیگیٹیو مالومداری آنی ھلاپ ءَ سوگئو بوھگ ءِضلورت انت۔ آئی ءَ گوشت کہ زندمان ءَسکی ءُ آزمائش آنی گوما دیم پہ دیمی کنگ کپ ائیت۔ پدا ھم جیڈھ آنی بابت ءَ الکاپیں گام جنگی باز المی انت۔ آئی ءَ گوشت کہ بے نظیر بھٹو شہید ءِ جمہوریت ءِ واستہ سیاسی جہد ءُ کوشست ءُ کربانی آناں توسیپ ءُ ستا پیش کت ءُ گوشت کہ پاکستان پیپلز پارٹی ءِ راجدپتری زور آنی مقابلہ کنگ ءُ شہید آنی چیدگ انت ءُ ایشی ءَ مدام پاکستان ءَ جمہوریت ءِ واستہ قربانی داتگ۔ آئیءَ گوشت کہ کوشگ ءُ جنگ ءَ چہ ما چہ مشن ءَ گستا نہ باں چیا کہ مئے یکیم پکو انت کہ زندمان ءُ مرگ ھدا وند ءِ دست ءَ انت۔ صدر ممکت ءَ ھدا مرزی پروفیسر وارث میر ءِ جمہوریت ءُ اھوالکاری ءِ واستہ ازمت ءُ کمک آناں توسیپءُ ستا پیش کت۔ آئی ءَ فیصل میر ءُحامد میر ءِ وتی پت ءِ میراس ءَ را دیم ءَ ودینگ ءِ ھم توسیپ کت۔ کلانہ ایں اھوالکار حامد میر ءَ سیاسی بیر گیری ءِ دود ءَ را ھلاس ءُ 1973 ءِکانود ءَ را ایشی ءِ راستیں رنگ ءَ وتی کنگ ءِضلورت ءِ سر ءَ زور پر دات۔ کلانہ ایں اھوالکار سہیل وڑائچ ءَ ھدا مرزی پروفیسر وارث میر ءِ اھوالکاری ءُ جمہوریت ءِواستہ ازمت آناں ساڑات۔ صدر ءِ سیاسی کرد ءِ توسیپ کنان ءَ گوشتگ کہ ملک ءَ سیاسی یکوئی ءِ سک باز المی انت ءُ صدر مملکت ءِ سیاسی ءُ اقتصادی جیڈھ آناں گیوار کنگ ءَ ارزشتی ایں کرد ءِ پیلو کت کنت۔
