اسلام آباد۔9جولائی (اے پی پی):صدر مملکت آصف علی زرداری ءَ کیپٹن اسامہ بن ارشد ءِ زرباری وزیرستان ءَشہید بوھگ ءِ پد ءَ ڈکھ ءُ اندوھ ءِ درشان کنانءَ گوشتگ کہ ما وتی ورنا آناں سلام پیش کناں ھما کہ وتی ماتیں وطن ءِ دیمپانی ءِواستہ ھمک رنگیں قربانی دیگ ءِ واستہ تیار انت۔ سئے شمبے ءَ ایوان ءِ صدر ءِ پریس ونگ ءِ نیمگ ءَ چہ جاڑی بوتگیں جار ءِ رد ءَ صدر ءَ گوشتگ کہ راج کیپٹن اسامہ ءِ قربانی ءَ را مدام یات کنت۔ آئی ءَ گوشت کہ ناشرکاری ءَ را چہ بن چلوک ءَ ھلاس کنگ بیت۔ صدر مملکت ءَ شہید کیپٹن اسامہ ءِ واستہ دعا ءِ نیک کت ءُ سیاد ءُ وارس آنی واستہ سگ ءُ اوپار کشی ءِ دعا ءُ ھم نیک کت۔
