اسلام آباد۔ 09 جولائی (اے پی پی) سپریم کورٹ سنی اتحاد کونسل نا مخصوص نشست آتا بابت کیس انا فیصلہ ءِ ڈک کرے۔ چیف جسٹس آف پاکستان جسٹس قاضی فائز عیسیٰ نا کماشی ٹی 13 باسکی فل کورٹ سے شنبے نادے آ داڑے مخصوص نشست آتا بابت پشاور ہائی کورٹ نا فیصلہ نا برخلاف سنی اتحاد کونسل نا اپیل /درخواست آتیا سماعت کرے۔ سماعت نا بناآ اٹارنی جنرل منصور عثمان اعوان تینا دلیل آتے پورو کرے۔ سنی اتحاد کونسل نا وکیل فیصل صدیقی و آجو اومیتدار آتا وکیل سلمان اکرم راجہ ہم جواب الجواب دلیل تس۔ اوکان پد غٹ فریق آتا وکیل آتا دلیل آتا پورو مننگ آ سپریم کورٹ سنی اتحاد کونسل نا مخصوص نشست آتا بابت کیس آ فیصلہ ءِ ڈک کرے۔ داوخت آ چیف جسٹس قاضی فائز عیسیٰ تینا ریمارکس اٹی پارے کہ فیصلہ ءِ چوخت بِنفنگک داسکان ہچ اس پاننگ کپنہ۔

متعلقہ مضامینمصنف کی طرف سے مزید