اسلام آباد۔ 09 جولائی (اے پی پی) بنجائی وزیر کانود اعظم نذیر تارڑ پارینے کہ چائلڈ لیبر ننا راج انا بھاز بھلا المیہ ءِ ، بروک آ چین تے شونہال پاکستان اس تننگ کن غٹ ویل آتا ایسری کن ننے غٹ ءِ آجوئی اٹ ہیت کروئی مریک، راجی ویل آتا ایسری کن ہرممکن گام گیج کروئی مریک۔ داخیال آتا درشانی ءِ او ’’فن پرورش‘‘ نا بابت اڈ ہلوک دود آن تران کرساکرے۔ اوپارے کہ راجی ویل آتا ایسری کن ہرممکن گام گیج کروئی مریک۔ نن پالیسی تو جوڑ کینہ ولے عمل کپنہ۔ اوپارے کہ لمہ وباوہ غاتیکن فن پرورش نا باندات آ حکومت و سول سوسائٹی تون اوار اوار ننے غٹ ءِاواری اٹ کڑد ادا کروئی مریک۔ چناتا پرورش ہراُرانا ویل ءِ۔ نیزگار ی و افلاس ہم اسہ بھلو ویل اسے۔ ننا آبادی نا بھلا بشخ کچ اٹ وسیلہ غاتا سوب آن ہم چناتا گچین پرورش و تربیت ءِ کننگ کپک۔ اوپارے کہ چائلڈ لیبر ہم بھاز بھلو ویل اسے ۔ دا غٹ ویل آتا ایسری کن ننے قومی کہول آ امنائی سلاہ اٹ خاہوتی ڈٹ بندی نا کنڈآ ہنوئی مریک۔ ننے مخلوق اٹی شعور ودی کروئی مریک کہ چناتا گچین تربیت کن اوفتے تینٹ ہم سجفوئی مریک۔ بروک آ چین تے شونہال پاکستان تننگ کن غٹ ویل آتا ایسری کن ننے غٹ ءِ آجوئی اٹ ہیت کروئی مریک۔
