اسلام آباد۔ 09 جولائی (اے پی پی) این ڈی ایم اے نا نیشنل ایمرجنسی آپریشن سینٹر نا رداٹ ساڑی آبشام سسٹم نا زیر اثر بروک آ12 غان 24 گھنٹہ غاتیٹی سندھ انا چندی علاقہ بشمول کشمور، کراچی، حیدر آباد، ٹھٹھہ ، عمرکوٹ ، بدین، مٹھی، تھرپارکراٹی کرارکرارآ ہورہ و گروک اٹ پِر انا گمانی ءِ، ہرانا سوب آن دا علاقہ غاتیٹی ہندی اربن فلڈنگ/ندی نالہ غاتیٹی نیامی درجہ نا طغیانی بننگ کیک۔ سے شنبے نادے آ این ڈی ایم اے نا کنڈآن جاری بیان اٹی پاننگانے کہ ہندا ممکنہ اثرآتا رداٹ شیفکو علاقہ غاتا ہنکینی ممکنہ نوکاپی حالیت آتون مون تننگ کن پیشگی تیاری تے پورو تخر و ہندی کمامدارآتا پارت آتیا عمل کیر۔ بیان نا رداٹ الس وخت آ الرٹ آتیکن ’’پاک این ڈی ایم اے ڈیزاسٹر الرٹ‘‘ موبائل ایپ ڈاؤن لوڈ کیر و موسم نا رپورٹ آتیا سخت نظر تخر۔
