اسلام آباد۔ 09 جولائی (اے پی پی) وزیراعظم محمد شہباز شریف انٹرمیڈیٹ اینڈ سیکنڈری ایجوکیشن بورڈ لاہور نا امتحان اٹی دانش اسکول نا طالب علم محمد آیان کاشف ءِ اول بننگ آ مبارکبادی تسنے و پارینے کہ دانش اسکول نا دنگ ءِ مچ آ پاکستان اٹی تالان کینہ و علم انا نور آن ملک اٹی بدلی اتینہ۔ سے شنبے نادے آ وزیراعظم میڈیا آفس آن جاری بیان نا رداٹ وزیراعظم پارے کہ دانش اسکول میانوالی نا محمد آیان کاشف بورڈ انا امتحان اٹی 1190 نمبر ہلسا تینا قابلیت ءِ منفینے۔ محمد آیان، اونا خاہوت و استاد آتے است انا حب اٹ مبارکبادی ایتیوہ۔ اوپارے کہ دانش اسکول آن مار و مسن تا سرسہبی و قابلیت نا پوسکن ءُ درور اس جوڑ مرسا مون آ بننگ ءِ، دانش اسکول نا دنگ ءِ مچ آ پاکستان اٹ تالان کینہ، و علم انا نور آن ملک اٹ بدلی اتینہ ۔ وزیراعظم بورڈ امتحان اٹی دوئم بروک آ معاذ حیدر و مسٹ میکو پوزیشن دوئی کروک آ ماہین سجاد، سائنس گروپ اٹی ارٹ میکوپوزیشن ہلوک آ مسہ طالبات عبیرہ اشرف، زینب آصف و سحر شکیل ئس تے ہم مبارکبادی تسنے۔
