اسلام آباد۔ 09 جولائی (اے پی پی) بنجائی وزیر صنعت و پیدوار رانا تنویرحسین نا کماشی ٹی قومی رابطہ کمیٹی سمال میڈیم انٹرپرائزڈویلپمنٹ نا یانزدہ می دیوان اسلام آباد اٹی اڈ ہلک۔ دیوان اٹی ایس ایم ایز نا شونداری و آسراتی کن 11 ٹکی ایجنڈاغا سجفنگا۔ رانا تنویر حسین پارے کہ سمال میڈیم انٹرپرائزز زرگزران اٹ تمبہ نا حیثیت تخک۔ اوپارے کہ وزیراعظم ایس ایم ایز نا رجسٹریشن و کمکاری ءِ منظم کننگ نا پارت کرینے۔ دیوان نا اعلامیہ نا رداٹ ایس ایم ایز کن بنجاوصوبائی کہول آ خراج آتے ہم گرنچ و اسہ وڑ کننگ نا فیصلہ کننگا۔ رانا تنویر حسین پارے کہ زرکاری ٹی ودکی کن کاروبار کننگ نا خڑچ ءِ کم کننگے۔ دیوان اٹ کاروبار نا بناءِ کننگ کن چنکا و نیامی درجہ نا ادارہ غاتے کریڈٹ نا آسراتی تننگ، انڈسٹریل اسٹیٹس اٹ ایس ایم ایز کن ڈغار جتا کننگ چندی اسکیم تا کمک اٹ زالبول آتا انٹرپرینیور شپ ءِ شون تننگ و 5 بلین نا زر آن اسمال میڈیم انٹرپرائزز فنڈ اس جوڑ کننگ نا فیصلہ کننگا۔
