اسلام آباد۔8جولائی (اے پی پی):صدر مملکت آصف علی زرداری ءَ کچھی کینال منصوبگ ءَ را دو سال ءُ نیم ءَ سرجم کنگ ءِھوالگ ءَ زور دیان ءَ گوشتگ کہ کچھی کینال ءَ چہ بلوچستان ءِ 713000 ایکڑ زمین سیراب بیت۔بنجاھی حکومت منصوبگ ءَ را اول سرئی بنیات ءَ سرجمی ءَ را دل یکیمی جوڑ کنگ ءِ واستہ فنڈز پجاری بکنت۔ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءَ اے ھیالانی درشانی آئی ءَ دو شمبے ءَ ادا یوان ءِ صد ر ءَ گرین پاکستان منصوبگ ءِ دیوان ءَ سروکی کنان ءَ کت انت۔ صدر ءَ کچھی کینال منصوبگ ء را دو سا ل ءُ نیم ءَ سرجم کنگ ءِ پنت ءُ شون کنان ءَ گوشتگ کہ بنجاھی حکومت منصوبگ ءَ را اول سرئی بنیات ءَ ءُ وھد ءِ سر ءَ سرجمی ءَ را دل یکیمی جوڑ کنگ ءِ واستہ فنڈ پجاری بکنت۔ کچھی کینال ءَ چہ بلوچستان ءِ 713000 ایکڑ زمین سیرآپ بیت۔ دیوان ءَ صدر ءَ را گرین پاکستان منصوبگ ءِ واستہ شش سٹریٹجک جو آنی جوڑیشت ءِ ھوالگ ءَ بریفنگ دیگ بوت۔ دیوان ءَ وزیر ءِ تہی کار سید محسن رضا نقوی ءُ ٹوھیں اردی کارندہ نندوک اتنت۔ صدر ءَ را بریفنگ دیگ بوت کہ گرین پاکستان منصوبگ ءِ واستہ شش سٹریٹجک جو آنی جوڑیشت کنگ بہ بیت۔ صٹریٹجک جو آناں چشمہ رائٹ بینک، کچھی، رینی، گریٹر تھل، چولستان ءُ تھر کینال ھوار اتنت۔ بریفنگ ءَ گوشگ بوت کہ ملکی لائک ءِ کشت ءُ کشار زمین ، لائیو سٹاک ءُ ماہی گیری ءِ ازمکار ی ءَ را ودینگ ءَ کمک رسیت۔ صدر ءَ جو آنی کرے اشکاوگیں دمگ آناں ڈرپ ٹیکنالوجی ءِ دیمروئی دیگ ءِ ضلورت ءِ ھوالگ ءَ زور پر دات ءُ گوشت کہ سرکاری زمین آنی پیدواری کارمرزی ءِ واستہ میاں اوستمانی مالیاتی ادارگ ءُ سٹاک ایکسچینج ءَ چہ فنڈنگ ءِ در جنگ ءِ واستہ اسٹیٹ لینڈ بینک جوڑ کنگ بہ بیت۔ صدر آصف علی زرداری ءَ انڈس ریور سسٹم اتھارٹی ءِ گہتری ءُ ایشرا جوانتر جوڑ کنگ ءِ بابت ءَ زور پر دات۔ بریفنگ ءَ صدر مملکت ءَ را اے گپ ءِ سرپد کنگ بوت کہ آپ ءِدستیابی ءُ رمبگ ءِ ھوالگ ءَ راستیں ڈیٹا شیئرنگ ءِ واستہ 27 ٹیلی میٹری پوائنٹس جوڑ کنگ بیت۔
